2 ZA GOŊE Danɓǝ ahe
Danɓǝ ahe
Ɗerewol za Goŋ patǝ gwa ah syee ge pel ne faa ɓǝ tǝ ɓǝ za goŋ Israel ma fahfal mo kaara, tǝgbana faa goŋ Yuda ne goŋ Israel gwa daŋ.
1. Ɓǝ za goŋ matǝ gwa, tǝgbana faa goŋ Yuda ne goŋ Israel, tǝŋ tǝgbana syii 850 K.K., ŋhaa dai cok mai yaŋ Samaria mo leere, ŋhaa so dai zah'nan mai goŋ sǝr ah mafahsǝŋ mo vǝr ne ko ne syii 721 K.K.
2. So faa ɓǝ tǝ ɓǝ goŋ Yuda, tǝŋ daga cok mai goŋ Israel mo leere ŋhaa dai zah'nan mai Nebukanezar goŋ sǝr Babilon mo ge re yaŋ Jerusalem, mo so ɓeɓ yaŋ ah ne syii 586 K.K. Ɗerewol ah vǝr ne faa ɓǝ tǝ ɓǝ mai Gedalia, govener sǝr Yuda mai goŋ Babilon mo ɓaŋ kanne, so tǝ faa ɓǝ mai mo wǝǝra Jojakin goŋ sǝr yuda gin pǝ daŋgai sǝr Babilon ɓoo ta. Gaɓ mai mo ge tǝ ɓǝǝ nai mor ɓǝɓe' mai za goŋ Israel ne za goŋ Yuda tǝkine za ɓǝǝ moo joŋra, mor ah yaŋ Jerusalem ɓeɓɓe. So gbahra kǝlii za sǝr Yuda kalra ge pǝ byak sǝr Babilon ne ko. Profeto Masǝŋ mai mo ur ne cok zah'nan Za Goŋ patǝ gwa ah ye Elias, fahfal ah Elisa ye joŋ yeɓ pǝ cok ahe.
Woŋ ah mo woŋ lǝǝ ɓo a naiko
1. Goŋ Israel woŋ gwa 1:1–17:41
a) profeto Elias 1:1–8:15
b) za goŋ Yuda ne Israel 8:16–17:4
c) yaŋ Samaria leere 17:5-41
2. Goŋ Yuda 18:1–24:20
a) tǝŋ daga goŋ Ezekias ŋhaa dai goŋ Josias 18:1–21:26
b) Josias kaa goŋe 22:1–23:30
c) goŋ Yuda ma fahfalle 23:31–24:20
d) yaŋ Jerusalem leere 25:1-30
Currently Selected:
2 ZA GOŊE Danɓǝ ahe: MUAR
Highlight
Share
Copy
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.