1 Pita 4
4
Matjilo akashanduka
1Ndizo se Kirisiti akadziyila mu nyama, mubhatilile mu kusatja kudziyila: iye wakadziyila mu nyama wakathubukana ne tjibi, 2kuti ndizo atjile butjilo gugwe gose asingatjade kushinga bubi, koga eshinga kuda kwe Ndzimu. 3Misi yakapinda makabe mushinga tjinodiwa nge basingagalemoyo, mutjilila mu njemulo dzakabipa ne kulaladza ne mizano ye zwing'o zwinolaladzisa ne kuwalilana thobo kusakalingisana ne kuthigamila midzimu kusi mu nlayo. 4Banotjenamisiwa nge kuti amutji mu mizano yabo ye zwing'o ne zojiwa zwakapindisisa, sa ibo ngono banomutuka. 5Koga banowozwidabiligwa kuna iye ugele akalinda kusumikilisa batjili ne bafi. 6Ndizo ndebo mbuya yakasumikiligwa na ibo bafi, kuti nenguba bakasumikilisiwa se bathu bose, koga batjile mu meya se Ndzimu.
Balanda be Ndzimu banoshingisa zwipo zwawo
7Bupelo gwe zwithu zose gwabe pejo, ndizo ibeni nge njele muzwidzibe kuti mutembezele. 8#Makungulupeswa 10:12Tjikulu muna zose ndi etji, dwililani mudana kwazo, ngobe ludo gozwimba zwibi zwinjinji. 9Ibeni nge nzhazho kuzhe kwe ng'ong'olo. 10Makapiwa zwipo zwakasiyana siyana nge Ndzimu, ndizo mmwe ne mmwe ngaashingile bamwe nge tjipo tjitje se ntjengeti wakalulwama. 11Unobe elebeleka ngaalebeleke se unoleba matama e Ndzimu. Unoshingila bamwe ngaashinge se unoshinga nge simba le Ndzimu, kuti ndizo mu tjimwe ne tjimwe Ndzimu ukudziwe muna Jesu Kirisiti. Gudzo ne simba nge zwawo nge kusingapele kose. Ngakujalo.
Kudziyidzika uli Nkirisiti
12Badiwa, musitjenamisiwe nge ndiko dzinolema dzinozha kumulika, kukanga kunoshingikala tjimwe tjisingazibgwe mu muli. 13Koga shathani ha muzwiwana makashanganyila zogwadza zwa Kirisiti, kodwa kuti mowoshathabo kwazo ha gudzo lile nge masimba lizumbunugwa. 14Ha mukayikanyiwa ngekwe zina la Kirisiti, mobe makakombolegwa, nge kuti Meya ye gudzo, iyo Meya ye Ndzimu imumuli. 15Koga kushete wenyu unowowanika edziyila ali mbulayi, kene ali mbava, kene ali tjigebeng'a, kene ali unonginikana ne zwithu zwe bamwe. 16Koga ha mudziyila mu Bukirisiti, musibhakhwe nge shoni, koga mukudze Ndzimu nge zina ilelo la Kirisiti.
17Nsi watjizha, we kuti kusumikilisiwa kutangise muna be nsha we Ndzimu, ngono ha kutangisa ndiswi, bhelelo la ibabo basingahwe ndebo mbuya ye Ndzimu lowobeni?
18 #
Makungulupeswa 11:31
“Ha kwakasima mu nlulwami kutjidziwa,
kowoshingikalani muna ibaba batjinyi basingazibe Ndzimu?”
19Ndizo ibabo banodziyila kuli kuda kwe Ndzimu, badwilile bethama ndulamo, ngabayise meya yabo mu Mbumbi unogalikabgwe.
Currently Selected:
1 Pita 4: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
