Popular Bible Verses from 1 Pita 4

Share

Tjikulu muna zose ndi etji, dwililani mudana kwazo, ngobe ludo gozwimba zwibi zwinjinji.

Makapiwa zwipo zwakasiyana siyana nge Ndzimu, ndizo mmwe ne mmwe ngaashingile bamwe nge tjipo tjitje se ntjengeti wakalulwama.

Unobe elebeleka ngaalebeleke se unoleba matama e Ndzimu. Unoshingila bamwe ngaashinge se unoshinga nge simba le Ndzimu, kuti ndizo mu tjimwe ne tjimwe Ndzimu ukudziwe muna Jesu Kirisiti. Gudzo ne simba nge zwawo nge kusingapele kose. Ngakujalo.

Koga ha mudziyila mu Bukirisiti, musibhakhwe nge shoni, koga mukudze Ndzimu nge zina ilelo la Kirisiti.

Bupelo gwe zwithu zose gwabe pejo, ndizo ibeni nge njele muzwidzibe kuti mutembezele.

Badiwa, musitjenamisiwe nge ndiko dzinolema dzinozha kumulika, kukanga kunoshingikala tjimwe tjisingazibgwe mu muli. Koga shathani ha muzwiwana makashanganyila zogwadza zwa Kirisiti, kodwa kuti mowoshathabo kwazo ha gudzo lile nge masimba lizumbunugwa.

Ibeni nge nzhazho kuzhe kwe ng'ong'olo.

Ndizo ibabo banodziyila kuli kuda kwe Ndzimu, badwilile bethama ndulamo, ngabayise meya yabo mu Mbumbi unogalikabgwe.

Ndizo se Kirisiti akadziyila mu nyama, mubhatilile mu kusatja kudziyila: iye wakadziyila mu nyama wakathubukana ne tjibi, kuti ndizo atjile butjilo gugwe gose asingatjade kushinga bubi, koga eshinga kuda kwe Ndzimu.

Ha mukayikanyiwa ngekwe zina la Kirisiti, mobe makakombolegwa, nge kuti Meya ye gudzo, iyo Meya ye Ndzimu imumuli.