1 Pita 5
5
Gubungano le Ndzimu
1Ndizo ndokulumbidza bakulu mu muli, ndili nkulubo samwi, kakale ndili ntendeki we kudziyila kwa Kirisiti, takashanganyila gudzo linowozumbunugwa. 2#Johani 21:15-17Tjengetani gubungano le Ndzimu, ngobe mu balisi balo musingakombeledziwe, koga muda se Ndzimu uda kuti muthame, kusi kwe bugovu gwe mbuzilo koga kuli mazwimisilo enyu, 3kusi kutshambilidza ibabo bamunolaula, koga muli zwilakidzilo ku gubungano. 4Ha Nlisi nkulu eswika, mowowana tjiala tje gudzo tjisingafubale.
5 #
Makungulupeswa 3:34
Sa ikoko namwibo batjetjana, muzwiyise pasi kwe bahwola. Mose muzwiyise pasi kwakapelela mmwe ku mmwe nge kuti “Ndzimu unonyanyayidza banozwikudza, koga unohwila ngoni banozwiyisa pasi.” 6#Matewu 23:12; Luke 14:11; 18:14Muzwiyise pasi kwe simba gulu le Ndzimu, kuti nsi ha uswika Ndzimu umukudze. 7Isani zose zwinomudziyidza kuuli, nge kuti ndiwo unomutjengeta.
8Ibeni nge kuzwidziba, mutjengete. Tjita tjenyu Satani tjoyenda yenda tjibomba se shumba izhele bushongola, tjishaka watjingaja. 9Lambanani natjo, mubhatilile mu bugalimoyo gwenyu, muziba kuti shango yose zwikamu zwenyu zodziyidzika kunofanana na ikoku. 10Koga shule kwe madziyila kusi kungapani, Ndzimu we ngoni dzose, iwo wakamudana kuti muzhe ku gudzo lawo lisingapele muna Kirisiti, unowomuthama bakapelela, ukamubaka, ukamusimisa. 11Simba ngalibe ku Ndzimu nge kusingapele kose. Ngakujalo.
Matama e bupelo
12 #
Mishingo 15:22, 40 Ndakumbila Silasi kuti andikwalile lukwalo igogu. Iye ikamu tjinogalamoyo sekwa ndinonziba, ndamukwalila nge bufutshwanana, ndimusimisa ndileba kuti idzedzi ndidzo ngoni dze malebeswa dze Ndzimu. Imani makasimisila mu ngoni idzedzi.
13 #
Mishingo 12:12, 25; 13:13; 15:37-39; Bakolosa 4:10; Filimoni 1:24 Gubungano#5:13 Gubungano: Dzimwe hwalo dza ntolo dze Bhaibhili dzoti, “Nkadzi u ku Bhabhiloni.” li ku Bhabhiloni, lakashalugwa samwi lomudumilisa, ngono ne nkololo wangu Mako unodumilisabo. 14Dumilisanani nge butjilana kwe ludo.
Kunyalala kumuli mose bamuna Kirisiti.
Currently Selected:
1 Pita 5: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
