ECLESIASTES 3

Lu' an i yorajlel

1-8Ti pejtelel chuqui mi lac mel añʌch i yorajlel:

An i yorajlel mi laj q'uel pañimil. An i yorajlel mi lac chʌmel. An i yorajlel mi lac cha'len pac'. An i yorajlel mi lac tuc'ben i wut. An i yorajlel mi lac tsʌnsan. An i yorajlel mi lac lajmesan. An i yorajlel mi lac jisan. An i yorajlel mi lac cha' mel. An i yorajlel mi lac cha'len uq'uel. An i yorajlel mi lac cha'len tse'ñal. An i yorajlel mi lac mel lac pusic'al. An i yorajlel mi lac cha'len son. An i yorajlel mi lac puc xajlel. An i yorajlel mi lac much'quin xajlel. An i yorajlel mi lac mec'. An i yorajlel mi lac tic'. An i yorajlel mi lac taj. An i yorajlel mi lac sʌt. An i yorajlel mi lac lot. An i yorajlel mi lac choc. An i yorajlel mi lac tsil. An i yorajlel mi lac lʌw. An i yorajlel mi lac ñʌjch'el. An i yorajlel mi lac cha'len t'an. An i yorajlel mi laj c'uxbin. An i yorajlel mi lac ts'a'len. An i yorajlel mi lac cha'len guerra. An i yorajlel mi la cajñel ti ñʌch'ʌl.

9¿Chuqui mi lac taj che' bʌxonla ti cabʌl e'tel? 10Jiñʌch com bʌ c ña'tan. Ti jujuntiquilonla mi la cʌq'uentel la que'tel ti Dios. Ti chajp ti chajp an la que'tel. 11Ti jujunchajp an i c'ʌjñibal che' ti' yorajlel. Pero Dios tsi' yotsa ti lac pusic'al yambʌ pensar mach bʌ anic mi' jastiyel ti' ña'tintel jini pañimil ba' poj cuxulonla. Mach lu' cʌñʌlic lac cha'an pejtel i ye'tel Dios c'ʌlʌl ti' tejchibal i ye'tel c'ʌlʌl ti' jilibal. 12¿Chuqui yom mi lac mel che' jini? Yom mi' ñuc'an lac pusic'al. Yom tijicñayonla anquese ti p'isol jach bajche' mi' mejlel. Jiñʌch yom bʌ. Ma'anic yambʌ. 13Yom ja'el mi lac cha'len we'el, mi lac cha'len uch'el. Yom mi lac taj i chobejtʌbal la que'tel, come lac majtañʌch tilem bʌ ti Dios. 14Cujil ja'el, mux i yajñel ti pejtelel ora pejtel chuqui mi' mel Dios. Ts'ʌcʌl mi' mel. Mach mejlic lac xʌb otsan yambʌ. Mach mejlic lac ts'ita' loc'san. Che'ʌch tsi' mele Dios cha'an mi lac bʌc'ñan. 15Pejtel chuqui an wʌle, añʌch ti oniyi. Pejtel chuqui mi caj laj cʌn, tsa' cʌjñi wajali. Dios mi' cha' tsictesan chuqui tac tsa' cʌjñi ti oniyi tsa' bʌ poj ñajʌyi i cha'an winicob.

Mach tojic chuqui mi' yujtel ti pañimil

16Tsaj q'uele ja'el melobʌjʌl ti yebal panchan. Ya' ba' yom tajtʌl toj bʌ meloñel woli' yutsi p'ojlel jontolil. 17Tsac ña'ta, Dios mi caj i mel jini xjontolilob yic'ot jini tojo' bʌ che' i yorajlelix. Come pejtel chuqui yom melol yic'ot pejtel e'tel añʌch i yorajlel. 18Tsac ña'ta ja'el, Dios woli' yilʌbeñob i pusic'al winicob cha'an mi' yʌq'ueñob i ña'tan lajalobʌch bajche' bʌte'el. 19Come junlajal mi' jilelob winicob yic'ot bʌte'el. Junsujm jach i yiq'uilel. ¿Chuqui mi lac taj ti pañimil mach bʌ anic mi' tajob ja'el? Leco jini. 20Junlajal la cajñib ba' mi lac majlel. Jiñʌch i ts'ubeñal lum ba' tsa' loq'uiyonla yic'ot bʌte'el. Ya jach mi lac sujtel. 21¿Majqui yujil ti isujm mi muq'uix i letsel majlel i yespíritu winic? ¿Mach ba muq'uic i jubel ochel ti lum che' bajche' i yespíritu bʌte'el? 22¿Chuqui yom mi lac mel che' jini? Yom tijicñayonla ti la que'tel, come jini cha'an wʌ' añonla ti pañimil. Che' majlemonixla ma'anic majch mi mejlel i cha' pʌyonla tilel cha'an mi' cha' ñuc'an lac pusic'al. Jini cha'an la' ñuc'ac lac pusic'al wʌle.

Currently Selected:

ECLESIASTES 3: ctuBI

Highlight

Copy