ECLESIASTES 4

1Tsa' caji j q'uel, an cabʌl ch'ijiyem bʌ ti yebal panchan. Jini tic'lʌbilo' bʌ woliyo' bʌ ti uq'uel, ma'anic mi' tajob i coltʌntel. Jini año' bʌ ti' wenta xtic'layajob ma'anic mi' p'untʌntelob. 2Tsa cʌlʌ tijicñayob jini chʌmeñobix bʌ, come ma'anix woli' yubiñob wocol bajche' jini cuxulob to bʌ. 3Pero ñumen tijicñayob jini mach bʌ anic mi' yilañob pañimil, mach bʌ i cʌñʌyobic pejtel jini jontolil mu' bʌ i cha'leñob winicob ti yebal panchan.

4Tsa' caji j q'uel tsʌytsʌyña jax i pusic'alob winicob. Chuqui tac jach mi' ganarin jini bʌx bʌ ti e'tel mi' mulʌbeñob i pi'ʌlob. Yom mi' lolon tajob ja'el. Pero lolom jach mi' tsʌjyubeñob i chubʌ'an i pi'ʌl. To'ol ic' jach woli' yajñesañob. 5Jini tonto bʌ mi' mec' i c'ʌb. Mach yomic e'tel. Mux i bajñel tsʌnsan i bʌ ti wi'ñal. 6Uts'at mi lac ts'ita' c'aj la co che' jasʌlonla. Mach uts'atic mi lac chʌn bajben e'tel cha'an jach lac wo'lel ti chubʌ'añʌl. To'ol ic' jach woli la cʌsin che' jini. 7Tsa' caji j q'uel yambʌ lac tontojlel ti yebal panchan. 8Wʌ'an winic am bʌ ti' bajñel. Ma'anic i pi'ʌlob, ma'anic i yalobil. Pero cabʌl mi' cha'len e'tel cha'an mi' tempan taq'uin. Mach jasʌlic mi' yubin. Che' chʌmenix, ¿majqui mi caj i ch'ʌm? ¿Chucoch wen p'ump'un mi' tic'lan i bʌ? Lolom jach jini.

9Che' ti lac bajñel, ts'ita' jach mi mejlel lac mel. Che' cha'tiquilonla cabʌl mi mejlel. 10Mi tsa' yajli juntiquil mi' tech letsel i pi'ʌl. Pero mi tsa' yajli che' i bajñel, ¿majqui mi caj i tech? Ma'anic majch mi' coltan. P'ump'un jax. 11Mi temel mi' cha'leñob wʌyel, mi' q'uixñesañob i bʌ. Pero mi' yubiñob tsʌñal che' i bajñelob. 12Che' ja'el che' an majch mi' contrajintel ti leto, mi an i pi'ʌl mi caj i coltan. Che' jini mi' mʌjlel i cha'añob che' cha'tiquilob. Ñumen uts'at che' an uxtiquil. Wocol mi' ts'ojquel lazo jalbil bʌ ti uxt'ujm.

13Tijicña jini ch'iton cabʌl bʌ i pusic'al anquese ma'anic i chubʌ'an. Pero tonto jini ñoxix bʌ yumʌl mach bʌ yomix i jac'ben i t'an jini yujilo' bʌ. 14Jini ch'iton mi' loq'uel ba' ñup'ul cha'an mi' yajñel ti' yum winicob anquese p'ump'un che' anto ti' wenta jini yumʌl ñuc bʌ mi' mel i bʌ. 15Tsaj q'uele woli' yumañob jini ch'iton pejtel cuxulo' bʌ ti yebal panchan. Tijicñayob mi' q'uextañob i yum. 16Cabʌl mi' taj i ñuclel ti' tojlel bajc'ʌl winicob c'ux bʌ mi' yubiñob. Pero mi' caj ti ñox'an ja'el. Jini maxto bʌ añobic i pusic'al mi' cajelob ti colel. Che' jini mux caj i tsajcañob yambʌ i yum. Lolom jach i ñuclel winicob. To'ol ic' jach.

Currently Selected:

ECLESIASTES 4: ctuBI

Highlight

Copy