Salmo 36
36
SALMO 36
Serka Bo, SEÑOR, fuente di bida ta
Pa maestro di kanto. Di sirbidó di SEÑOR, David.
1Piká ta kombersá ku pekadó
den profundidat di su#36:1 su: segun vershonnan antiguo; hebreo tin: mi ser;
e no ta kai ariba mes
ku hende mester tin rèspèt pa Dios.#Romanonan 3:18
2Piká ta kalanch'é asina tantu
ku e n' por mira su kulpa ni odi'é.
3Loke e ta papia ta falsu, blo mentira,
el a stòp di ta huisioso i hasi bon.
4Drumí na kama e ta studia maldat,
su pia ta pegá den mal kaminda,
e n' ta ria pa hasi kos malu.
5Ma bo amor, SEÑOR, ta yega te na shelu,
bo fieldat ta mas altu ku nubia;#Salmo 57:10
6bo hustisia parse serunan masivo,
bo huisionan fondo di laman.
7Bo ta kuida hende i bestia:
esta presioso, SEÑOR, ta bo bondat!
Hende ta skonde den sombra di bo alanan.
8Nan ta disfrutá di e abundansia di bo kas,
Bo ta laga nan bebe na riu di bo delisianan.
9Pasobra serka Bo tin e fuente di bida,
den bo lus nos ta mira tur lus.
10Sigui mustra bo amor na esnan ku konosé Bo,
bo hustisia na esnan ku ta di bon boluntat.
11No laga pia di orguyosonan trapa mi,
ni man di pekadónan menasá mi.
12Ata, malechornan ya a kai,
tumbá abou nan no por lanta mas!
Currently Selected:
Salmo 36: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
