Salmo 26
26
SALMO 26
Mi ta inosente, SEÑOR
Di David.
1Duna mi hustisia, SEÑOR,
mi a hiba un bida inosente;
mi a pone mi konfiansa den SEÑOR,
sin basilá ningun momento.
2Listra mi, SEÑOR, saminá mi,
tèst mi kurason, mi konsenshi.#Salmonan 7:9; 17:3; 139:23
3Mi a pone bo bondat dilanti,
mi a biba segun bo bèrdat.
4Mi no ta sinta ku hende falsu,
mi no ta anda ku esnan ku ta trastia.
5Mal kompania ta yena mi ku asko,
mi n' ta bai sinta den tou di malechor.
6Ami por laba man den inosensia,
te pasa rònt di bo altá, SEÑOR,
7pa kanta bo alabansa na bos altu
i pa konta di tur bo milagernan.
8SEÑOR, mi ta stima e kas,
kaminda Bo tin bo bibá,
e lugá di biba di bo gloria.
9No benta mi afó ku malechornan,
ni mi bida huntu ku asesinonan
10ku tin krímennan pegá na nan man
i nan man drechi yen di plaka mal ganá.
11Ami ke hiba un bida inosente,
salba mi, mustra mi kompashon!
12Mi pia ta plantá den tera firme.
Lo mi bendishoná SEÑOR
den gran reunion di su pueblo.
Currently Selected:
Salmo 26: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
