Salmo 27
27
SALMO 27
Kaminda Dios ta, ei mi ke biba
Di David.
1SEÑOR ta mi lus i salbashon,
di ken lo mi tin miedu?
SEÑOR ta fortalesa di mi bida,
pa ken lo mi tembla?
2Si malbadonan ta yega serka mi
pa kome mi na bida,
e enemigu- i atversarionan ei
lo trompeká i lo kai.
3Si un ehérsito mes mester changa mi,
mi kurason lo n' tin miedu;
si nan rondoná mi pa ataká mi,
lo mi keda trankil.
4Un kos so mi a roga SEÑOR,
esei so mi t'anhelá:
ku mi por biba den kas di SEÑOR
tur dia di mi bida#Salmo 23:6
pa kontemplá splendor di SEÑOR
i bishitá su tèmpel.
5Pasobra l'E skonde mi bou 'i su dak
dia di peliger;
E ta warda mi fo'i peliger den su tènt,
altu poné riba baranka.
6Asina mi por mira abou
riba mi rivalnan tur rònt #27:6 rònt Literalmente: Asina mi por hisa mi kabes altu riba mi rivalnan
i ku gritu di alegria ofresé
sakrifisionan n'E den su tèmpel,
lo mi toka i kanta pa SEÑOR.
7SEÑOR, tende kon duru mi ta yama!
Tene piedat, kontestá mi.
8Bo di — mi kurason ta ripitié —:
‘Buska mi Kara.’
Bo Kara mes mi ke buska, SEÑOR!
9No bira lomba pa mi,
no rechasá bo sirbidó den bo rabia.
Bo so ta mi yudansa!
No bandoná mi laga mi sin amparo,
o Dios, mi Salbador!
10Si mi tata i mama mes bandoná mi,
ta SEÑOR lo tuma mi.
11SEÑOR, mustra mi ki Bo ke pa mi hasi,
den bon kaminda guia mi;
kòrda, mi tin hopi enemigu.
12No duna gustu na esnan
ku tin odio kontra mi:
testigu falsu a lanta kontra mi
ta menasá mi ku violensia.
13Mi sa ku lo mi sinti den mi bida #27:13 den mi bida Otro posibel tradukshon: den tera di bibunan
bondat di SEÑOR.
14Konfia den SEÑOR, sea fuerte,
bo kurason tuma kurashi.
Sí, konfia den SEÑOR!
Currently Selected:
Salmo 27: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
