2 Korintionan 12

Vishon i revelashon ku Pablo a haña di Dios

1Bromamentu no tin niun balor, pero ya komo ta nesesario pa hasié, mi ta papia di e vishon- i revelashonnan ku Señor a duna. 2Mi konosé un siguidó#12:2 un siguidó: indirektamente Pablo ta referí na su mes di Kristu ku dieskuater aña pasá a keda tumá serka Dios den e shelu di mas altu. Mi no sa si esaki a pasa di bèrdat òf den un vishon; Dios so sa. 3-4Mi sa sí ku e hòmber akí a keda tumá den paraiso i mi ta ripití ku mi no sa si ta algu ku a pasa di bèrdat òf den un vishon; Dios so sa esei. Aya den paraiso el a tende kos ku no ta posibel pa ripití ni ta pèrmití pa un ser humano papia. 5Lo mi broma tokante e hòmber akí, pero lo mi no broma tokante mi mes, ku eksepshon di e kosnan ku ta demostrá mi debilidat. 6Si mi ker a broma, lo mi no tabata loko, pasobra lo mi a papia bèrdat. Pero mi no ke hasié pa hende no pensa mas di mi ku loke nan por mira òf tende di mi, 7sigur no a base di revelashon ekstraordinario! Pero pa evitá ku mi ta bira orguyoso, Dios a duna mi un sufrimentu, ku ta manera sumpiña hinká den mi kurpa: un mensahero di satanas tin mag di maltratá mi, ya mi no ta bira orguyoso. 8Tres bia mi a resa pidi Señor pa e sumpiña akí kita for di mi, 9pero Señor a bisa mi: ‘E grasia ku Mi ta duna bo ta sufisiente, pasobra den bo debilidat mi poder ta sali mas na kla.’ P'esei antó mi ta broma mas ainda ku mi debilidat, pasobra asina Kristu su forsa ta manifestá den mi. 10Sí, p'esei mi ta kontentu ku debilidat, maltrato, nesesidat, persekushon i tribulashon pa kousa di Kristu. Pasobra ta ora mi ta débil, ta e ora ei mi ta fuerte.

Pablo su preokupashon pa e hendenan di Korinte

11Mi a hasi kos di hende loko, pero ta boso mes a fòrsa mi aktua asina. Ta boso mester papia bon di mi, pasobra maske tabata bèrdat ku mi no ta nada mes, e ‘superapòstelnan’ di boso ei no tin nada ku ami no tin! 12Ku tur pasenshi mi a demostrá boso ku mi ta un apòstel: mi a hasi milager, señal milagroso i maravia serka boso. 13Den ún kos so mi a trata boso ménos bon ku e otro iglesianan: mi no tabata un peso finansiero pa boso! Pordoná mi e ofensa ei!

14Mi ta preparando pa bin bishitá boso pa di tres bia i e bia akí tampoko lo mi no pone un peso finansiero riba boso. Ta boso mi ke i no boso plaka! Ademas no ta yu mester spar pa nan mayornan, pero mayornan pa nan yunan. 15I ku gustu ami lo gasta tur loke mi tin; sí, lo mi duna asta mi mes pa boso. Miéntras mi amor pa boso ta krese mas i mas, boso amor pa mi ta birando ménos?

16Boso sa ku mi no tabata un peso finansiero pa boso. Pero hende por bisa ku mi ta un cha tiger ku di un forma astuto ta chika plaka fo'i boso. 17Akaso mi a probechá di boso pa medio di ún di e hendenan ku mi a manda serka boso? 18Mi a hasi un apelashon serio riba Tito pa e bai serka boso i mi a manda e otro ruman kuné. Por ta Tito a probechá di boso? Akaso Tito no ta un hende ku ta pensa i aktua meskos ku mi?

19Mashá ora boso lo ta pensa ku ta purba nos ta purba defendé nos mes dilanti di boso. No ta asina; nos ta papia den presensia di Dios, manera hende ku ta pertenesé na Kristu i tur kos ku nos hasi, mi rumannan stimá, ta pa yuda boso krese. 20Mi tin miedu ku ora mi bin bishitá boso, lo mi no enkontrá boso manera mi tin gana di mira boso i ku boso lo haña mi un hende diferente for di loke boso a spera. Mi tin miedu di pleitu, envidia, rabiamentu, egoismo, papiamentu riba hende, redu, arogansia i situashon desordená. 21Tambe mi ta teme ku ora mi bini, mi Dios lo bolbe humiliá mi dilanti di boso i ku lo mi mester yora pa tur esnan ku ya pa un tempu kaba ta biba den piká i ku no a bira lomba pa un bida parotin, pa inmoralidat i pashon.

Currently Selected:

2 Korintionan 12: BPK13

Highlight

Copy