Mateo 5

E predikashi riba seru

(Mateo 5—7)

1Ora Hesus a mira e multitut akí, El a subi seru kai sinta. E ora ei su disipelnan a bini serka djE. 2El a tuma palabra i siña nan:

Ken ta felis

(Lukas 6:20-23)

3‘Felis esnan humilde di kurason;

reino di shelu ta pa nan.

4Felis esnan ku ta tristu;#Isaías 57:18; 61:2

Dios lo konsolá nan.

5Felis esnan mansu di kurason;#Salmo 37:11

nan lo haña mundu komo propiedat.

6Felis esnan ku hamber i set#Proverbionan 9:5; Isaías 55:1-2; Sirag 24:21 pa hustisia;

Dios lo satisfasé nan.

7Felis esnan ku tene mizerikòrdia ku otro hende;

Dios lo tene mizerikòrdia ku nan.

8Felis esnan kurason limpi;#Salmo 24:3-4

nan lo mira Dios.

9Felis esnan ku ta trese pas;#Proverbionan 12:20

Dios lo yama nan su yu.

10Felis esnan ku sufri persekushon

pa motibu ku nan ta kumpli ku boluntat di Dios;#1 Pedro 3:14

reino di shelu ta pa nan.

11Felis boso ta ora hende zundra boso, persiguí boso i gaña tur sorto di kos malu riba boso pa mi motibu.#1 Pedro 4:14 12Alegrá boso i keda kontentu; den shelu tin un rekompensa grandi pa boso. No ta asina mes nan a trata e profetanan, promé ku boso tempu?#2 Krónikanan 36:16; Echonan 7:52

Salu i lus pa mundu

(Marko 9:50; Lukas 14:34-35)

13Boso ta salu pa mundu. Si salu pèrdè su stansha, kiko lo dun'é su stansha bèk? E no ta sirbi pa nada mas ku pa tira afó; hende ku pasa por trap'é numa.#Marko 9:50; Lukas 14:34-35 14Boso ta lus pa mundu.#Huan 8:12; 9:5 No ta posibel skonde un siudat situá riba un seru. 15Niun hende no ta sende un lampi pa despues pon'é bou di un hèmber, ma ta pon'é riba un standart#Marko 4:21; Lukas 8:16; 11:33 pa lusa tur hende den kas. 16Meskos asina, boso mester laga boso lampi bria pa otro hende, pa nan mira boso bon obranan i alabá boso Tata den shelu.#1 Pedro 2:12

Siñansa tokante lei

17No pensa ku Mi a bin pone un fin na siñansa di e bukinan di lei i di e profetanan, al kontrario Mi a bini pa asina Mi laga nan nifikashon berdadero sali na kla. 18Mi ta sigurá boso: Promé ku shelu i tera pasa bai, niun lèter chikí ni niun pida di un lèter di e lei lo no pasa bai, promé ku tur kos sosodé.#Lukas 16:17 19P'esei antó, si un hende no mantené asta un di e mandamentunan di ménos importansia na vigor i e siña otro hende hasi mesun kos, lo e ta di ménos importansia den reino di shelu. Pero esun ku kumpli ku nan i siña otro hende kumpli ku nan, lo e ta importante den reino di shelu. 20Ami ta bisa boso: Si boso no kumpli ku lei hopi mas mihó ku e fariseo- i dòktornan di lei, boso no ta drenta reino di shelu.

Siñansa tokante rabiamentu

21Boso a tende ku a bisa boso antepasadonan: “No mata.#Éksodo 20:13; Deuteronomio 5:17 Mester hiba ken ku kometé asesinato dilanti di korte.” 22Ma Ami ta bisa boso: Mester hiba tur hende ku rabia ku su ruman#5:22 ku rabia ku su ruman; otro manuskrito tin: ku rabia ku su ruman sin motibu dilanti di korte. Es ku yama su ruman kabes duru, mester duna kuenta na sanhedrin, e korte supremo. Es ku yama su ruman idiot mester paga p'esei den kandela di fièrnu.

23P'esei antó, si bo ta bai hiba bo ofrenda altá i bo kòrda einan ku bo ruman tin algu kontra bo, 24laga bo ofrenda para dilanti di altá. Bai hasi bon ku bo ruman promé i despues bini bèk bin hasi bo ofrenda.

25Regla kuenta lihé ku esun ku tin un keho kontra bo, miéntras bo ta na kaminda ainda pa korte, pa e no hiba bo dilanti di hues. Hues lo entregá bo den man di guardia ku lo tira bo den prizòn. 26Mi ta sigurá bo: Lo bo no sali for di eiden promé ku bo kaba di paga e delaster sèn chikí.

Siñansa tokante adulterio

27Boso a tende ku a bisa: “No kometé adulterio.”#Éksodo 20:14; Deuteronomio 5:18 28Ma Ami ta bisa boso: Ken ku fiha su bista riba un muhé ku deseo, ya a kometé adulterio den su kurason kaba. 29Si bo wowo drechi pone bo kai den piká, sak'é tira afó. Pasobra mihó bo pèrdè un parti di bo kurpa, ku henter bo kurpa bai tirá den fièrnu.#Mateo 18:9; Marko 9:47 30Si bo man drechi pone bo kai den piká, kòrt'é tira afó. Pasobra mihó bo pèrdè un parti di bo kurpa ku henter bo kurpa bai tirá afó den fièrnu.#Mateo 18:8; Marko 9:43

Siñansa tokante divorsio

(Mateo 19:9; Marko 10:11-12; Lukas 16:18)

31A bisa: “Esun ku divorsiá di su kasá mester dun'é un papel di divorsio.”#Deuteronomio 24:1-4; Mateo 19:7; Marko 10:4 32Ma Ami ta bisa boso: Ken ku divorsiá su señora, si no ta pa motibu di inmoralidat seksual, ta pone su señora kometé adulterio si e señora kasa atrobe. Es ku kasa ku e señora divorsiá tambe ta kometé adulterio.#Mateo 19:9; Marko 10:11-12; Lukas 16:18; 1 Korintionan 7:10-11

Siñansa tokante huramentu

33Tambe boso a tende ku a bisa: “No kibra e huramentu ku bo a hasi; kumpli ku bo promesanan na Señor.”#Levítiko 19:12; Numbernan 30:2; Deuteronomio 23:21 34Ma Ami ta bisa boso: No hura mes pa ningun motibu. Ni pa shelu, pasobra shelu ta trono di Dios; 35ni pa tera, pasobra tera ta un banki di pone pia pa Dios;#Isaías 66:1; Mateo 23:22; Hakobo 5:12 ni pa Herusalèm, pasobra esei ta siudat di e gran rei.#Salmo 48:2 36No hura pa bo mes kabes; bo no por hasi niun drachi di kabei pretu òf blanku. 37Laga bo sí ta sí i bo nò ta nò. Tur loke bo pone aserka ta bini di e malbado.

Siñansa tokante vengansa

(Lukas 6:29-30)

38Boso a tende ku a bisa: “Wowo pa wowo, djente pa djente.”#Éksodo 21:24; Levítiko 24:20; Deuteronomio 19:21 39Ma Ami ta bisa boso: No pleita un kaso di inhustisia. Ken ku dal bo na banda drechi di bo kara, bira bo otro band'i kara i lag'é dal bo ei tambe.#Lamentashonnan 3:30 40I si un hende hiba bo dilanti di korte pa e haña bo paña, lag'é bai ku bo mantel tambe. 41Si kualke hende fòrsa bo bai un mia kuné, bai dos. 42Esun ku pidi bo algu, dun'é i esun ku ke fia algu serka bo, fi'é.

Amor pa enemigu

(Lukas 6:27-28,32-36)

43Boso a tende ku a bisa: “Stima bo próhimo#Levítiko 19:18 i odia bo enemigu.” 44Ma Ami ta bisa boso: Stima boso enemigunan#5:44 enemigunan; otro manuskrito tin: enemigunan, bendishoná esnan ku maldishoná boso, hasi bon pa esnan ku ta odia boso i resa pa esnan ku ta persiguí#5:44 persiguí; otro manuskrito tin: maltratá i persiguí boso. 45E ora ei boso lo bira yu di boso Tata den shelu, pasobra E ta laga su solo sali tantu riba mal hende komo riba bon hende i ta laga awa kai tantu riba hende hustu komo riba hende inhustu. 46Pasobra si bo ta stima solamente esnan ku ta stima bo, kua rekompensa bo por spera e ora ei? E kobradónan di belasting n' ta hasi meskos? 47I si ta bo ruman so bo ta kumindá, kiko spesial bo ta hasiendo? Akaso paganonan#5:47 paganonan; otro manuskrito tin: kobradónan di belasting n' ta hasi meskos? 48Sea perfekto antó, manera boso Tata den shelu.#Levítiko 11:44-45; 19:2; Deuteronomio 18:13

Currently Selected:

Mateo 5: PBDC13

Highlight

Copy