Lukas 13

Arepentí òf bai pèrdí

1Den e tempu ei algun hende a yega i a konta Hesus tokante e galileonan, ku Pilato a laga mata ora nan tabata ofresé sakrifisio; nan sanger a meskla ku esun di e bestianan. 2El a kontestá nan: ‘Boso ta pensa ku e galileonan ei tabata mas pekadó ku tur otro galileo, pasobra esei a pasa ku nan? 3Apsolutamente ku nò! Ma si boso no kombertí, boso tur lo kaba na nada meskos ku nan. 4Òf boso ta pensa ku e diesocho hendenan ku a muri ora ku toren di Siloam a basha aden, tabata mas kulpabel ku tur otro habitante di Herusalèm? 5Apsolutamente ku nò! Ma si boso no kombertí, boso tur lo kaba na nada meskos ku nan.’

E parábola dje palu di figo ku no ke duna fruta

6El a konta nan e parábola akí: ‘Un hende tabatin un palu di figo den su hòfi di wendrùif. El a bin mira si tabatin fruta na dje, ma e no a haña nada.#Isaías 5:1-7; Yeremías 2:21; 8:13 7E ora ei el a bisa su fitó: “Ya ta di tres aña ku mi ta bin wak si e palu akí tin fruta i mi n' ta haña nada. Kap e basha abou numa. Pakiko lag'é sigui probechá di bon tera?” 8E fitó a bis'é: “Señor, lag'é palu e aña akí; lo mi plug e tera rònt di dje i pone mèst. 9Si e karga fruta otro aña, ta bon; si no, kap e numa.” ’

Hesus ta kura un señora ku lomba doblá

10Un bia Hesus tabata siña e hendenan den un snoa. 11Ei tabatin un señora ku pa diesocho aña kaba tabata sufri di un spiritu ku tabata hasié malu. E tabata kana tur doblá i no por a lanta para règt riba su kurpa. 12Hesus a mir'é i bis'é: ‘Señora, bo ta liberá di bo malesa!’ 13El a pone man riba dje i inmediatamente e señora a hisa lomba i a alabá Dios.

14Ma e kabes di snoa ku tabata rabiá ku Hesus, pasobra El a kura hende riba dia di sabat, a bisa e multitut: ‘Tin seis dia pa hasi trabou. Bini riba un di e seis dianan ei pa haña sanashon i no riba sabat.’#Éksodo 20:9-10; Deuteronomio 5:13-14 15Señor a kontestá: ‘Hipókritanan! Boso kada un no ta lòs boso bue òf buriku, pa lag'é bai bebe awa riba sabat? 16Anto Mi ke puntra boso: no ta korekto pa, riba dia di sabat, liberá e muhé akí, un desendiente di Abraham, ku satanas tabatin mará pa diesocho aña?’ 17Ora El a papia asina, tur esnan ku tabata kontra djE, a haña bèrgwensa. Ma henter e multitut a bira hopi kontentu pa motibu di tur e obranan maravioso ku Hesus tabata hasi.

Parábola di pipita di mòster i parábola di zürdeg

(Mateo 13:31-33; Marko 4:30-32)

18Hesus a sigui bisa: ‘Kiko reino di Dios parse? Ku kiko lo Mi kompará reino di Dios? 19E parse un pipita di mòster ku un hende a sembra den su kurá; el a krese bira un palu#13:19 palu; otro manuskrito tin: palu grandi i para na shelu a traha nèshi den su takinan.’ 20Tambe El a bisa: ‘Ku kiko lo Mi kompará reino di Dios? 21E parse e zürdeg ku un muhé a hinka den tres midí di hariña te ora henter e zürdeg a plama den henter e mansa.’

E porta smal i e porta será

(Mateo 7:13-14,21-23)

22Na kaminda pa Herusalèm, Hesus tabata pasa dor di e siudatnan i e pueblonan kaminda e tabata duna siñansa.

23Un hende a puntra Hesus: ‘Señor, ta poko hende so ta haña salbashon?’ Hesus a bisa e hendenan: 24‘Hasi boso máksimo esfuerso pa boso pasa dor di e porta smal, pasobra Mi ta bisa boso: hopi lo purba drenta, ma nan no ta logra. 25For di momento ku doño di kas lanta sera porta, boso tin ku keda pafó. Boso ta bati riba e porta i grita: “Señor, habri porta!” i lo E kontestá: “Mi no konosé boso. Di unda boso a bini?” 26Anto boso lo bis'É: “Nos a kome i bebe huntu ku bo, i den nos kayanan bo a siña e hendenan.” 27Anto lo E bisa boso: “Mi no konosé boso. Di unda boso a bini? Bai fo'i Mi, hasidónan di maldat!”#Salmo 6:8 28Lo tin yoramentu i mordementu di djente,#Mateo 22:13; 25:30 ora boso mira Abraham, Isak i Yakob i tur e profetanan den reino di Dios, miéntras boso ta bai tirá pafó. 29E ora ei fo'i ost i wèst, nort i zùit hende lo bini pa tuma nan lugá na mesa den reino di Dios.#Mateo 8:11-12 30I kòrda bon, tin di esnan ku ta delaster awor akí, ku lo ta promé, i tin di esnan ku ta promé, ku lo ta delaster.’#Mateo 19:30; 20:16; Marko 10:31

Hesus ta yora pa Herusalèm

(Mateo 23:37-39)

31Na e momentonan ei algun fariseo a bini serka djE. Nan a bis'É: ‘Mihó bo bai for di aki; Heródes ta buska bo pa mata!’ 32El a kontestá nan: ‘Bai bisa e zoro ei: awe i mañan Mi ta saka spiritu malu i kura hende; di tres dia Mi ta kla. 33Ma awe, mañan i ótromañan Mi mester sigui biaha, pasobra no ta pas pa un profeta muri pafó di Herusalèm. 34Herusalèm, o Herusalèm! Abo ku ta mata e profetanan i piedra e mensaheronan ku Dios a manda serka bo. Kuantu be Mi no a deseá di hunta bo hendenan, manera un mama galiña ta hala su puitunan bou di su ala. Ma bo no a laga Mi. 35Boso tèmpel lo keda bandoná. Mi ta bisa boso: Boso lo no mira Mi mas, te ora e tempu yega pa boso bisa: “Bendishoná ta Esun ku ta bini den nòmber di Señor!”’#Salmo 118:26

Currently Selected:

Lukas 13: PBDC13

Highlight

Copy