Saggaria 6
6
1Ijikka arlortilerivâka ama tautuklungalo, ahâglo, ᴋamutit unatautit sitamat allakarput ᴋaᴋaksoâk maggûk akorngangnit; ᴋaᴋaksoâglo ᴋaᴋorliovûk.
2ᴋamutit sivorlingat horseᴋarpok aupaluktanik; ᴋamutit aippanga horseᴋarpok ᴋernertanik;
3ᴋamutit pingajuat horseᴋarpok ᴋaᴋortanik; ᴋamutillo sitamangat horseᴋarpok sinarnalaringnik.
4Tagva kiovunga engelelo oᴋaᴋatigijiga oᴋautilugo: Makkoa sunauvât, Nâlegarâ?
5Engeliblo akivânga oᴋarlunelo: Makoa tagva ᴋilaub anoringit sitamat, noᴋangaᴋârlutik nunaksûb ilûnane Nâlegangata sângane anilertut.
6ᴋamutîk ᴋernertanik horselîk aularpûk nunamut avanêtomut; ᴋaᴋortalîglo aularpûk tâpkoa maliklugik; sinarnalariktalîglo aularpûk nunamut ânêtomut.
7Aupaluktalîglo aularpûk ingerarviksarsiorlutik utitaᴋattarlutik nuname; tâmnalo oᴋarpoᴋ: Aularitse, nuname utitaᴋattarluse. Tagva nuname utitaᴋattarput.
8ᴋaigarsugvigivânga tagva oᴋarvigilungalo, oᴋarporlo: Ahâk, nunamut avanêtomut aijut anernera inilangatipât nuname avanêtome.
9Nâlekablo oᴋausingata tikipânga, oᴋarlune:
10Aularutijaujut tigusivigikit, tagva Heldaimit, Tobiamillo, Jedaiamillo, uvlormelo tâpsomanetsainaᴋ ᴋailerit iterlutillo Josiab Sefaniab erningata iglunganut, Babilonemit tikisimajut itervigijanganut;
11Ilâ, tigusivigikit silberemik goldemiglo, niaᴋôteliorillo ililugillo Josuab, Jehôsadakib erningata, ajoᴋertuijersûb niaᴋoanut;
12Oᴋarvigiuglo imâk: Imâk oᴋarpok Nâlegak Zebaot: Ahâk, angut Nuitajomik atelik; nuitalârporlo iniminit igloliorlunelo Nâlekab katimaviksoanganik;
13Tâmnaluatsiak igloliolârpok Nâlekab katimaviksoanganik; ânanausijaulârporlo, iksivalârporlo aulatsilunelo iksivautaksoamine; ajoᴋertuijoᴋsoaᴋalârporlo iksivautaksoangane; ulapirᴋsauteᴋaᴋatigêgomârpuglo.
14Niaᴋôtillo tâpkoa Helemib Tobiablo Jedaiablo Heniblo, Sefaniab erningata, erᴋaijutigijaksarivait Nâlekab katimaviksoangane.
15Ungasiktullo tikilârput igloliorᴋatauvlutiglo Nâlekab katimaviksoanganik, ᴋaujijuksaulârposelo Nâlekab Zebaotib tilingmanga ilipsingnut. Tamannalo naliutilârpok katsungaivluse nâletsiarupse Nâlekab Gudipse nippinganik.
Currently Selected:
Saggaria 6: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
