Saggaria 5
5
1Amalo ijîkka arlortipâka takolungalo, ahâglo, aglarait immûmajut tingijut.
2Oᴋautivângalo: Sunamik takovêt? Kiovungalo: Takovunga aglarangnik immûmajunik tingijunik, talertut 20tut takitigijunik, talertullo 10tut siliktigijunik.
3Oᴋautivânga tagva: Tamadja pilluᴋojijût nunamut tamânut aulartok: tigliktut ilûnatik pêjartaujomârmatta tamângat tâpkoa maliklugit, angiluktullo ilûnatik pêjartaujomârmatta tamângat tâpkoa maliklugit.
4Aulartitsomârpara, oᴋarpok Nâlegak Zebaot, iteromârporlo tigliktûb iglunganut, angiluktûblo atera taivlugo iglunganut: iglungatalo iluanêtuartuksauvok, nungulârpâlo ᴋejuktangit ujaraktangillo ilaliullugit.
5Engeliblo oᴋaᴋatigijima pigannerlune oᴋautivânga: Ijîkik arlortikik takolutillo una anijoᴋ sunaumangât.
6Oᴋarpungalo: Sunauvâ? Tâmnalo oᴋarpok: Tâmna anijok tagva ôktûte efa. Oᴋarporlo sulle: Tamadja idluinerit nunaksoarme ilûnane:
7Sunaubvalo aᴋitok talente kiviktauvok, taggalo arnak iksivajok ôktûtib efab iluane.
8Oᴋarporlo: Tamadja idluinek; êgipâlo ôktûtib efab iluanut: oᴋumailutarlo aᴋitok êgipâ ôktûtib pânganut.
9Ijîka arlortipâka tagva tautuklungalo, ahâglo, arnâk maggûk anivûk, anorelo esarunginêpok; esaroᴋarpuglo siggorᴋortojûb esarungititut: ôktûtelo efa kivikpâk nunab ᴋilaublo akorngangnut.
10Engelelo oᴋaᴋatigijiga oᴋautivara: Namut tâpkoa efa âpakkô?
11Oᴋautivângalo: Igluksanganik iglolioromavâk nuname Sinareme: pijarêrpallo, tâmna tagvunga ilijaulârpok tungaviksaminut.
Currently Selected:
Saggaria 5: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
