Saggaria 4
4
1Engeliblo oᴋaᴋatigilauktima tikilerivânga tupâksarpângalo, sorlo siniktok tupâksartaungmat.
2Oᴋautivângalo: Sumik takovêt? Oᴋarpungalo: Tautukpunga, ahâglo, nanergoarvik ilûnane goldeojok, orᴋsiviᴋartok ᴋângane, ᴋollingillo 7 tâpsomanêtut, ᴋollillo tâpkoa ᴋânganêtut atunit suvloᴋarput 7nik;
3Napârtuglo maggûk orᴋsuliksâk tâpsoma saniane, aipâ orᴋsiviub talerpiane, aippangalo saumiane.
4Kiovlungalo engele oᴋaᴋatigijiga oᴋarvigivara, oᴋarlunga: Nâlegara, makkoa sunauvât?
5Engeliblo oᴋaᴋatigijima akkivânga oᴋautilungalo: Kaujimangilatît makkoa sunaumangâtâ? Oᴋarpungalo: Ahaila, Nâlegara.
6Kiovlunelo oᴋautivânga: Tamadja Nâlekab oᴋausinga Serûbabelemut, oᴋartok: Sorᴋsuktuksaᴋatigêksoarnu-ungitok pitsartunersoarmu-ungitorlônêt, Anernimnulle, oᴋarpok Nâlegak Zebaot.
7Kinauvêt, ᴋaᴋaksoangojotît? Serûbabelib sângane naternangoromârpotit: tâpsomalo ujarak pijariaᴋortojok tikiutilârpâ ᴋôrᴋsudlarnermut: Pilluangolerle, pilluangolerle.
8Nâlekablo oᴋausingata tikilerivânga, oᴋarlune:
9Serûbabelib aggangita iglûb tamattoma tungaviksanga ilivât; tâpsomalo aggangita pijarêraksarivâ; ᴋaujijuksauvotillo Nâlekab Zebaotib tilingmanga ilingnut.
10Kia pijariakitut uvlungat naggogivaûk? Tâpkoa ᴋuviasudlaromârmatta, takojomâramik kivimik Serûbabelib agganginêtomik, ilâ, taipkoa 7ojut Nâlekab ijigijangit; tâpkoa utitaᴋattarput nunaᴋsoaᴋ nâvlugo.
11Kiovunga tagva oᴋautilugolo: Sunauvâk ukoa napârtûk orksuliksâk nanergoarviub talerpiane saumianelô?
12Aippanganiglo kiovunga oᴋautilugolo: Sunauvâk makoa orᴋsuliksab akkerôgik, kovivîk maggûk goldeojûk senerâgingnêtûk, goldemik ingmingnit kovisijûk?
13Kiovângalo oᴋarlune: Kaujimangilatît tâpkoa sunaumangângnîk? Oᴋarpungalo: Ahaila, Nâlegaᴋ.
14Tâmnalo oᴋarpok: Tâpkoa tagva ᴋitorngauvuk orᴋsêjûtik, nunaksûb ilûnane Nâlegangata saniane nangertuk.
Currently Selected:
Saggaria 4: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
