Saggaria 7
7
1Pijoᴋarporlo ataniub Dariusib jâringita sitamangane, Nâlekab oᴋausinga tikingmat Saggariamut, takᴋit 9ingata, tagva Kislivib, uvlungita sitamangane.
2Bêtelemiulle tiliklersimalauᴋput Sarêseremik Rêgemêlekemiglo tâpkoalo angutinginik ᴋenujartorᴋovlugit Nâlekab saimarsaininganik,
3Oᴋarᴋovlugillo ajoᴋertuijunut Gudib Zebaotib iglunganêtunut nâlautaijunullo oᴋarlutik: ᴋeajuksauvêk sulle takᴋit tallimangane, ingmigolingatilungalo uvamnik, sorlo pinialaurama jârit makoa sutaijartut nâvlugît?
4Nâlekablo Zebaotib oᴋausingata tikipânga, oᴋarlune:
5Nunab inungit tamaita ajoᴋertuijullo oᴋarvigikit, oᴋarlutit: Jârit makkoa 70 nâvlugit, nerritaililaurapse kiksarluselo takᴋit tallimangane 7-inganelo, uvanga pivlunga nerritaililaukisê?
6Nerrijarangapselônêt imerangapselônêt, nerrilungilasê pivluse, pivluselo imerlusê?
7Tusaraksaringilasê oᴋautsit Nâlekab oᴋauserilauktangit nalautaijutigut sivorlitigut, Jerusalem inuktaᴋalaungmat pilluangongmattalo, iglugasaksuillo tâpsoma avatânêtut seᴋinerdlerlo naternangillo nunagijaulaungmattâ?
8Nâlekablo oᴋausinga tikipok Saggariamut, oᴋarlune:
9Imâk Nâlegak Zebaot oᴋarpok: Idluartomik erᴋartuileritse, ilûnapselo atunit ᴋatangutise unertutjivigisigik nâpkiningnermik ilapsugosungnermiglo;
10Oᴋumaiksartiniarasigiglo uigarnerit, iliarsuillo, takorngartallo, aklujullo; ᴋatangutiselo nalipse idluitomik isumertuiviginiarasigik ômatipsingne.
11Tâpkoale nâlagomalaungilat, tuitiglo ᴋagvartipait ᴋunumut, siutitiglo simikpait tusaromangimut.
12Ilâ, ômatitik aligoᴋtut ilingatipait, tusarᴋonagit perᴋojanik oᴋautsiniglo Nâlekab Zebaotib tilijanginik anernermigut nalautaijutigut sivorlertutigut; tamanna pivlugo ningarnek angijok tikipok Nâlekamit Zebaotemit.
13Imailivorlo: sorlo tâmna ᴋaigarsungmat, tâpkoalo tusaromangimatta, taimak tâpkoa ᴋaigarsulârput, uvangalo tusaromangilanga, oᴋarpok Nâlegak Zebaot;
14Siamartitsomârpakkale ulajujoksoarmut inôᴋatigêksuit ilitarilaungitangita ilûnatik akornganut. Taimaglo tâpkoa kingorngane nuna ᴋemagauvok, tamaunârtoᴋangilaᴋ utertoᴋangilarlônêt: nuna kajungernartok inuᴋajuitungortingmatsuk.
Currently Selected:
Saggaria 7: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
