Saggaria 11
11
1Upkoatit upᴋoêrkit, Libanon, ikoma nungutsiᴋovlugo sidereᴋotingnik.
2Erinaluaᴋilerit, ᴋeblariktotit, sidere oggosimangmat, piojôjullo aserortaungmatta; erinaluaᴋileritse, Basanib napârtungit sôngojoksuit ilipse, napârtolik avaluliorsimajok ukpimat.
3Mianersijut erinaluaᴋijut nipingit tusaksauvok; pinnarijangat aserortaungmat. Loevearait erinaluaᴋijut nipingat tusaksauvok, Jordanib pinnarsautigijanga aserortaungmat.
4Imâk oᴋarpok Nâlegak Gudiga: Saukat toᴋotaksat nerripkarkit;
5Pisiarijingita toᴋopait pidlaraksaunasugingilallo; niuviangotitsijullo tapkoninga oᴋarput: Nâlegak nakorijaule, akluinama; mianerijingitalo ilapjugingilait.
6Nunab inungit ilapjugijungnairomagapkit, oᴋarpok Nâlegak: ahâgle, inuit ilûnatik pititsomavakka inôᴋatingita agganginut, ataningitalo agganginut: tâpkoalo nuna aseroromârpât, piulijomângilakkalo agganginit.
7Taimaimat saukat toᴋotaksat nerripkarpakka, saukat ajulernerpât. Tigusivungalo ajaupiârnik maggûngnik, aippangalo taivara Inornartomik, aipâlo Kelarutinik; saukallo nerripkarpakka.
8Mianersijullo pingasut kipipakka takᴋerme atauserme; ariulaurapkit, tâpkoalo tarningita ᴋuinagivânga.
9Oᴋarpunga tagva: Nerripᴋaromangilapse: toᴋolertok toᴋole; tamaromajullo tamarlit; amiakôjullo atunit nerrilit asimik uvininginik.
10Ajaupiarlo Inornartok tiguvara naviklugolo, angerutimnik inôᴋatigênut tamainut angerutigilauktamnik serᴋomitsijungnarᴋovlunga.
11Serᴋomitaulaukporlo uvlorme tâpsomane: saukallo ajulernerpât uvamnik kamatsiartut misigidlarput Nâlekab tamanna oᴋauseringmago.
12Oᴋautivakkalo: Idluarigupsiuk akkiksarsiaksara ᴋaisiuk: pijomangikupsele, taimaituinarle. Tagva akkiksarsiaksara ôktorpait kênaujat silberit 30.
13Nâlekablo oᴋautivânga: Egikit maggalerijomut, akkiksatsiavait uvamnik akkitutiginasugijanginik. Kênaujallo silberit 30 tiguvakka êgilugillo maggalerijomut Nâlekab iglungane.
14Tagva ajaupiângma aipanga Kelarute navikpara, serᴋomitsijungnarᴋovlunga Judablo Israêliblo ᴋatangutigêngnîgingnik.
15Nâlekablo oᴋautivânga: Tigusimit mianersijûb silaitûb atortanginik.
16Tagva ahâk, makititsijomârpunga mianersijomik nuname, nalipsainiangitomik tamarsimajunik, ᴋenerniangitomiglo siamangajunik, inûliklerniangitomiglo akᴋunartaumajunik, nerripkainiangitomiglo atsuilijunik, nerrilârtomigle kuinijut nerᴋinginik, kukingillo aliktorlugit.
17Kapianarmêk mianersijut atungitut, saukanik ᴋemaijut! Saviksûb talinga pilârpâ, ijingalo talerpik: talinga uvinêrutilârpoᴋ, ijingalo talerpik tâktitaumarilârpok.
Currently Selected:
Saggaria 11: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
