Saggaria 12
12
1Oᴋausek oᴋumaitok Nâlekab oᴋauserijanga Israêle pivlugo. Imâk oᴋarpok Nâlegak, ᴋilangmik isivitsijok, nunamiglo tunganilêjok, inûblo anerninganik ilumigijanganik pingortitsijok:
2Ahâk, Jerusalem ᴋajûtangortitsomârpara oggojarnartok inôᴋatigêksoarnut tamainut avanêtunut, Jûdatauk pijauᴋataujomârpok Jerusalem sorᴋsuktunut ilumajaulerpat.
3Uvlormelo tâpsomane Jerusalem ujaraᴋsoangortitsomârpara oᴋumaitok inôᴋatigêksoarnut tamainut; ilûnatik oᴋumaititut tâpsomunga angijomik kilertaujomârput; inôᴋatigêksuillo ilûnatik nunaksoarme tâpsomunga katersoromârput sorᴋsugvigijomavlugo.
4Uvlorme tâpsomane, oᴋarpok Nâlegak, horsit ilûnaita ᴋaggaidlaromârpakka, ikimajungillo isumairutitilugit; ijîkkalo uitatitsomârpâka Jûdab ᴋitornganginut, inôᴋatigêksuillo horsingit tamaita annaujomârpakka tautugungnaitilugit.
5Jûdablo angajoᴋângit ômatimingne oᴋaromârput: Jerusalemiut pitsartutigivakka Nâlekame Zebaoteme Gudimingne.
6Uvlorme tâpsomane Jûdab angajoᴋângit aumaliniktut ᴋejungnêtotut îtitsomârpakka, naneroaktullo ikomajotut ivît ᴋepitat akorngane; nungulârpaillo inôᴋatigêksuit tamaita avatânêtut, talerpingmêtullo saumingmêtullo: Jerusalemelo iniksaᴋaromârivoᴋ inimine, tagva Jerusaleme.
7Nâlekablo Jûdab tupingit sivorliutilugit piulijomârpait Dâvidib kinguvângita inornarningat Jerusalemiblo inungita inornarningat nertortauluarᴋonagit Jûdakunit.
8Uvlorme tâpsomane Nâlekab Jerusalemiut serngnigilârpait; sukkôjullo tâpkoa akorngane Dâvidetut ilârput uvlorme tâpsomane; Dâvidekullo Gudetut îtsomârput, Nâlekab engelingatut tâpkoa sângine.
9Pijomârporlo uvlorme tâpsomane nungunasuaromârapkit inôᴋatigeksuit ilûnaita Jerusalemut sorᴋsugiartortut.
10Dâvidiblo kinguvânginut Jerusalemiunullo kovijomârpara anernek saimanartitsijok ᴋenutitsijorlo; takojomârpullo kapilauktamingnik; ᴋeagijomârpâllo sorlo ernetuak ᴋeagijaungmat, ogguarutigijomârpâllo sorlo ᴋitorngak angajuklek oggorijaungmat.
11Uvlorme tâpsomane ᴋeaneᴋadlalârpok Jerusaleme, ᴋeanektut Hadad-Rimmoneme naksarme Megiddoneme.
12Nunamiullo ᴋeadlaromârput, ᴋitorngarêt ilûnatik ingmikôrlutik; Dâvidib kinguvângita ᴋitorngarêngit ingmikôrlutik, nuliangillo ingmikôrlutik; Nâtaniblo kinguvângita ᴋitorngarêngit ingmikôrlutik, nuliangillo ingmikôrlutik;
13Lêvib kinguvângita ᴋitorngarêngit ingmikôrlutik, nuliangillo ingmikôrlutik; Simeib ᴋitorngarêngit ingmikôrlutik, nuliangillo ingmikôrlutik;
14ᴋitorngarêllo amiakôjut ilûnatik, ᴋitorngarêt atunit ingmikôrlutik, nuliangillo ingmikôrlutik.
Currently Selected:
Saggaria 12: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
