Saggaria 10
10
1Nalegak silalungmik ᴋenuvigisiuk silalûb kingorliojûb naliuningane, ilâ, Nâlegak ᴋaumalaliortok; tâpsomalo silalungmik nâmaktomik tunitjivigilârpait, iviksukaniglo naternarme ilûnainut.
2Gudingoat sulingitunik oᴋauseᴋalaungmatta, nalautainerluktullo saglonernik takotitjuteᴋarmatta; sinnartomanerniglo tukeᴋangitunik oᴋâlavut, sulingitomik manigoivut; tamanna pivlugo arvertarput saukatitut mianerijeᴋangitutitut.
3Ningarnera katsungailerpok mianersijunut, parngnillo sugiaromârpakka; Nâlekab Zebaotib katimgajoᴋotine, tamadja Jûdab ᴋitorngangit, nalipsarmagit, âᴋiksoromârpaillo horsimitut piojutitut sorᴋsungnerme.
4Tâpsomangat sakᴋeromârput ujarak terreᴋuksaᴋ, kikiarlo, pitikselo unatautiksaᴋ, aulatsijullo ilûnatik ilagêklutik.
5Pitsartujoksoatutitullo îtsomârput, ômigijitik tullerarlugit aᴋilupiarme apᴋosineâlungnêtome unatarvingme; sorᴋsugomârpullo, Nâlekab ilagingmagit; ikimajullo horsinut ila ᴋemalârput.
6Jûdablo ᴋitorngangit pitsartutitsomârpakka, Josefiblo ᴋitorngangit piulijomârpakka, iniksaᴋartitsomârivakkalo, nâpkigijomârapkit; ajaktortaumalaungitutitullo îtsomârivut; Nâlegauvlunga Gudeovunga tâpkonunga, tusaromârpakkalo.
7Efraimemullo ilingajut pitsartujoksoatitut îtsomârput, ômatingillo ᴋuviasudlaromârput sorlo vainemut; ilâ, ᴋitorngangita takojomârpât, ᴋuviasugomârpullo; ômatingit ᴋuviasugomârput Nâlekame.
8Uvingiartoromârpakka, katersorlugillo; piuligapkit; unuksivaliajomârpullo sorlo unuksilaungmatta.
9Karngasoromârpakkalo inôᴋatigêksuit akornganut, erᴋaumalârpângalo nunane ungasiktune; inôjuksauvullo ᴋitorngatik ilagilugit, uteromârlutiglo.
10Utertitsomârivakkatauk nunamit Egiptenemit, katersoromârlugillo Assiriamit, tikiutijomârpakkalo nunamut Gileademut Libanonemullo; nimnioromârpullo.
11Imarbiglo siorniornartotalik apᴋutigilârpât, imablo malliksoangit annaulârpait, kôksûblo Nîlib itiningit ilûnatik panilârput: Assiriablo piojorininga oggotitaujomârpok, Egipteniblo ataningata ajaupianga nungutaujomârpok.
12Pitsartutitsomârpakkalo Nâlekame; ingeraromârpullo tâpsoma atingane, oᴋarpok Nâlegak.
Currently Selected:
Saggaria 10: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
