Mattêuse 7
7
Jêsusib oᴋâlaningata ᴋakᴋame sorairninga.
1Erᴋartuiniarase erᴋartortaulerᴋonase.
2Erᴋartuinipsingnut erᴋartortaujomârpose; ôktûtipsingnullo ôktortaujomârivose.
3ᴋatangutivit ijingata sukkiutâ sôk takoviûk, ikak ijingnêtok maluginagô?
4ᴋanorlo ᴋatangutit oᴋautsomaviûk: Ovatsiaro, sukkiut ijingnit pêromavara? Ahâglo, ikâk ijingnêpok.
5Takkormôrtotit, ikâk ijingnit pêrᴋâruk; kingorngagut ᴋatangutivit sukkiutâ pêrasuaruk.
6Ivsornaitok tunijaksaringilase ᴋingminut, sappangaselo egitaksaringilase kuingênginut; itigamingnut tullerajarlugit, sangulutiglo aliktoriarluse perᴋonagit.
7Tuksiaritse, tunitjivioniarpose tagva; ᴋeneritse, nennisiniarpose tagva; avilortaritse, upkuerutjauniarpose tagva.
8Tuksiartok pilârmat, ᴋenertorlo nennisilârmat, avilortartorlo upkuerutjaulârmat.
9Inûb kia nelipse, erningata tuksiarvigikpago ᴋakᴋôjamik, ujarᴋamik tunitjiviginajarpaûk?
10Mingeriamiglo tuksiarvigikpago, ᴋuglugiangojârtomik tunitjiviginajarpaûk?
11Ilipsele, piungitôgalloartose, ᴋitorngase tuntijivigijungnarapsigik tunergutinik ajungitunik, anginersamik ilâ Atâtapse ᴋilangmêtub tuksiartine tunitjiviginiarpait ajungitunik.
12Tamainik piniarviojomanipsingnik inungnut, tamakkoningatauk piniarvigisigik; tamadja perᴋojat nalautaijullo aglangit.
13Itervikitokut iteritse. Itervik nerrotongmat, apᴋosinerlo silingmat, asserorsimanermut sangmijok; unuktoᴋsuillo tamanna atorpât.
14Iterviglo nerrokipok, apᴋosinerlo amipok, inôgumut sangmijok, ikitullo nagvârpât.
15Ulloreasugitse nalautainerluktunik; taipkoa saugat aminginik annorâᴋardlutik tikipâse; ilumikulle amarôvut kêsuktoksuit.
16Paunganginit ilitarijaksarivase. Paunganik katersoijokasôngovâ ukpiganit kakilautilingnit, aᴋpiniglonêt perortunit kakilanartunît?
17Taimâktauk napârtut ajungitut ilûnatik paungaᴋarput ajungitunik, napârtorle piungitok paungaᴋarpok piungitunik.
18Napârtok ajungitok piungitunik paungaᴋarungnangilak, napârtorlo piungitok paungaᴋarungnanginivok ajungitunik.
19Napârtut naliat, paungaᴋangitok ajungitunik, kipijauniarpok, egitauniarlunalo ikomamut.
20Tamanna pivlugo sulianginit ilitarijaksarivase.
21Ilûnatiungitok uvamnut oᴋartut: Nâlegak, Nâlegak! Nâlegauvingmut ᴋilangmêtomut iterniarput, Atâtamale ᴋilangmêtub perᴋojanginik nâlektut kissimik.
22Uvloksame naliutsomârtome unuktut oᴋautijomârpânga: Nâlegak, Nâlegak, atterne nalautsitiksanik oᴋalaungitogût? Sâtanasit atternut anitilaungilavût? Unuktuniglo tatamnartulilaungilagût atternût?
23Tâva akkijomârpakka: Sulle ilitarilaungimarikpapse; tamapse ᴋemaksinga, idluitulijose!
24Tamanna pivlugo, oᴋautsimnik makkoninga tussartok maliktorlo, tâmna adsiutipara angumut silatujomut, igloliortomut ᴋairtomut.
25Silaluksoalermat, kutjermallo, anoresuillo akᴋunadlarlutik iglo akkingmivigidlarmatsuk; ochungilak, ᴋairtomut tungagame.
26Makkoningalo oᴋautsimnik tussartub malingitublo adsigivâ angut silaitok igloliortok siorᴋanut.
27Silaluksoalermat, kutjermallo, anoresuillo akᴋunadlarlutik iglo akkingmivigidlarmatsuk; ochovok serᴋorpalludlarlunalo.
28Jêsusiblo oᴋautsit tamakkoa nângmagit, inuit ajoᴋertûtingit tataminiarivait.
29Kiblingnadlartomik oᴋâlangmat, aglangnik ilisimajutitungitorlo.
Currently Selected:
Mattêuse 7: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
