Mattêuse 15
15
Inuit Gudiblo perᴋojanginik. Arnamik Kanaanemiomik, 4,000 it nerrititauninganik.
1Tagva aglangnik ilisimajut Farisêerillo Jerusalemiut tikipât oᴋarlutiglo:
2Sôk ilinniartivît angajoᴋâpta ilusingit malilungilagît? Aggatik ubvangilait, ᴋakᴋôjaᴋtorniarangamik.
3Kiovaille oᴋautivlugillo: Sôk ilipse Gûdib perᴋojangit nâlengipisigîk, ilusekulluse pivlugît?
4Gûde perᴋojijok: Atâtangnik anânangniglo nâlektuksauvotit; atâtaminulle anânaminullo oᴋarnerluktok, toᴋotaksauvok.
5Ajoᴋertuivosele: Atâtaminut anânaminullônêt oᴋartok: “Nâmanersauvok ilingnut, tunigupko tunerguservingmut”, tamna ajungitulivok.
6Tamattomunga atâtaminik anânaminiglônêt nâlektailitipase; taimaglo Gûdib perᴋojangit atortaujungnaitipase, ilusekulluit pivlugit.
7Takkormôrtose, Jesaiase ilipsingnik nalautailauralloarpok, oᴋarlunalo:
8Inuit ukkua ᴋanermingnut tikipânga ᴋangasinâmingnullo nertorpânga, ômatingitale ungasikpânga.
9Sulinatigle kivgartorpânga, inuit ajoᴋertûsetuinangit ajoᴋertuitigigamigit.
10Inugasaksuillo ᴋaiᴋovait, oᴋautivlugillo: Nâlagitse tukkisilugolo.
11ᴋanikut itertub inuk sujuktingilâ; ᴋanikulle anijub inuk sujuktipâ.
12Tagva ilinniartingita tikipât oᴋaudlugolo: ᴋaujimaviûk, oᴋausek tamanna Farisêerit tussaramitsuk, sinaungakutigingmatsûk?
13Kiovaille oᴋarlunalo: Perortut ilûnatik, Atâtama ᴋilangmiub ililaungitangit, nutsuktaujomârput.
14Allarsigik! Tautungitôvut, tautungitullo tâpkoa tessiortigivait; tautungitub tautungiᴋatine tessioruniuk, tamarmik tâva itersamut katakpuk.
15Tagva Pêtrusib kiovâ oᴋautivlugolo: Adsiujub mattoma tukkinganik nalojungnaititigut.
16Jêsusiblo oᴋautivait: Ilipsetauk sulle silatuneᴋangilasê?
17Sulle tamanna nalovisiûk, inûb ᴋaningagut itertut ilûnatik, natjângnut pingmatta, iluserivaktamiktullo anititaulermingmatta?
18ᴋanikulle anijut, ômamit pivut, tamakkoalo inuk sujuktipât.
19Omamit erᴋarsautikulluit pingmatta, inuarnerlo, nuliarêngnermik asserorsainerlo, assiniarnerlo, tiglingnerlo, sagluterᴋarnerlo, mitauteᴋarnerlo.
20Tamakkoa inuk sujuktipât. Aggangnulle ubvarsimangitunut inuk nerrigalloarpat, mattoma sujuktingilâ.
21Jêsuse tagva tagvangat aularpok, Tirusiblo Sidoniblo erᴋângnut pivok.
22Ahâglo, arnak Kanaanemioᴋ, tagvangat pijok, oᴋarpok nipliutidlarlugolo: Nâlegak, Dâvidib erninga, nâpkiginga! Sâtanasib paniga âniatidlarpâ.
23Kiungimarikpâle oᴋautsemut atautsemullônêt. Tagva ilinniartingita tikipât, ᴋenuvigivlugo oᴋarlutik: Ikajorunguna, nipliojormatigut.
24Kiovaille oᴋarlunalo: Tilijaumatuinartunga sauganut tammarsimajunut, Israêlib iglunganit pijunut.
25Taipsomale pâmaktervigijartorpâ oᴋarlunalo: Nâlegak, ikajunga!
26Kiovâle oᴋarlunalo: Idluangilak, ᴋitorngaujut ᴋakᴋôjanginik aᴋsârlugit, ᴋingminullo egidlugit.
27Arnak oᴋarpok: Âhaila Nâlegak, taimaikalloarpok; ᴋingmiârsuille nerrivut karnganerlukunik inuata nerrimârvinganit kataktunik.
28Tagva Jêsusib kiovâ oᴋautivlugolo: Arnak, okpernît angijôvok! Pijomajarnik pilârpotit. Paningalo stundeme tâpsomane pijungnaipok.
29Jêsuselo tagvangat aularlune, Galilêab tesseᴋsoanganut tikipok, majorarlunalo ᴋakᴋamut, tagvungalo ingipok.
30Inugasaksuillo nelipsarpât, tussiaktunik, tautungituniglo, oᴋarungnangituniglo, illakungortuniglo, assinginiglo unuktunik illalit, ilivaillo Jêsusib itigangita sânganut; tâpsomalo âᴋikpait,
31Inuillo tamanna pivlugo tataminiarput, takogamik, oᴋarungnangitut oᴋalermatta, illakungortullo pijungnairmatta, tussiaktullo pisulermatta, tautungitullo tautulermatta; Israêliblo Gûdinga nakoridlarpât.
32Jêsusible ilinniartine ᴋaiᴋovait, oᴋautivlugillo: Inuit ukkua illapsugidlarpakka, nerᴋiksaᴋaratik uvlunik pingasunik uvamnêngmatta; nerritinagillo aularᴋojomangilakka uvamnit, perlerᴋonagit apᴋome.
33Tagva ilinniartingita oᴋautivât: Nakit taimâk unuktigijunik ᴋakᴋôjaᴋsiniarpitâ tamâne inuᴋangitome, inugasaksuit ukkua kâgungnairutiksanginîk?
34Jêsusible aperivait: ᴋapsinik ᴋakᴋôjaᴋarᴋisê? Kiovât: 7 nik, mingeritjaniglo ikitunik.
35Inugasaksuillo ikterᴋovait nunamut.
36ᴋakᴋôjallo ukkua 7 it, mingeritjallo tiguvait, ᴋujalivlunalo avgorpait, ilinniartiminullo tunivlugit; ilinniartingitalo tunivait inungnut.
37Ilûnatiglo nerrivut kâgungnairlutiglo, amiakullo katersorpait, amârgaujat 7 it tattadllugit.
38Nerrilauktullo 4,000 iovut angutainait, arnat sorutsillo kitinagit.
39Inuillo aulartinamigit umiarmut ikivok, Magdalab erᴋânut pivlune.
Currently Selected:
Mattêuse 15: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
