Mattêuse 11
11
Johannesib ilinniartingita tilijauninginik Kristûsemut. Kristûsib kigligiudjininganik Johannese pivlugo. Iglugasait Galilêamêtut suarutigivait. Atâta nertorpâ. Ingminut ᴋaiᴋojivok.
1Jêsusiblo perᴋojane tamakkoa ilinniartiminut 12 inut nâgamigit, tagvangat aularpok, ajoᴋertuivlunalo oᴋâlajartorpok iglugasaksoangine.
2Johannesele Kristûsib piniarninginik tussarame parngnanairsimavingmêdlune, ilinniartiminit maggûngnik tiliklerpok,
3Aperijauᴋovlugo: Tâmnauvêt tikituksak, assingniglônêt nerriugijaksaᴋarpitâ?
4Jêsusib kiovak, oᴋautivlugiglo: Johannese ama oᴋautijartortikko takojaptingnik tussartaptingniglo:
5Tautungitut tautulerput, tussiaktullo pisulerput, kaladlartut kalagungnairput, tussângitut tussalerput, toᴋungajut ômarput, aklujullo oᴋautjauvut oᴋautsinik tussarnertunik.
6Piloridlarporlo sinaungajuteᴋalungitok uvamnik.
7Utermanik, Jêsuse oᴋalerpok inungnut Johannesemik: Inuᴋangitomut suna takojartorpisiûk? Iviksoak anorib aulatanga sunatuinarmût?
8Sunalônêt takojârtorpisiûk? Inuk annorâtsiariktok takojomavisiûk? Ahâk, annorâtsiariktut, atanersuit iglunginêsôngovut.
9Sunalônêt takojartorpisiûk? Nalautaijok takojomavisiûk? Ila, oᴋautivapse, nalautaijomit anginersaujok.
10Tâmnaungmat aglait oᴋautigijangat: Ahâk, Engeliga sivunernut tilivara, apᴋutiksarnik sivunerne âᴋiksoijuksak.
11Ahâk, oᴋautivapse: Arnanit erniangojoᴋangilak Johannesemit baptiterijomit anginersaujomik; mingnerle Gûdib nâlegauviane anginersauvok tâpsomangat.
12Johannesible baptiterijub uvlungita kingorngatigut, sulle tagvunga, nâlegauvik ᴋilangmêtok aᴋsorôtjauvok; tâpsomingalo aksorôtjijut, amualerpât ingmingnut.
13Perᴋojat nalautaujullo ilûnatik nalautsilaungmatta Johannese tikidlugo.
14Tamannalo okperijomagupsiuk: tagva Eliase tikituksak.
15Tussâjungnik siutelik tussarle.
16Inuille ukkua kimut adsiutitaksarivakkâ? Sorrutsit adsigivait, iglut akorngane iksivajut nipliutjeᴋattartullo pingoarᴋatimingnut,
17Oᴋarlutiglo: Nipjausijarvigilaukpapse, oᴋigêseromangitoselo; kiksanartomiglo oᴋautilaukpapse, ᴋeajomangitoselo.
18Johannese tikitok, nerrinanalo imingilak; tagva oᴋarput: Sâtanaseᴋarpok.
19Inûb Erninga tikisimavok, nerrilarmelo imilarmelo; tagva oᴋarput: Ahâk, inuk una nerritojoᴋsoak, vainemiglo imertojoᴋsoak, pimaklertit idluitulijullo ilanârijingat! Gûdible ilisimaninga idluarijaujariaᴋarpok ᴋitorngaminut.
20Tagva iglugasaksuit uningit suadlalerpait, tatamnartuliviginerpârilauktane, âᴋilaungimattalo.
21Kappianamêk, Korazin! Kappianamêk Betsaida! Tirusemelo Sidonemelo taimaitunik tatamnartunik pijokalaukpat, sorlo ilipsingne; itsak pôksaijatuinarnik annorâᴋardlutik argjamêdlutiglo ᴋaᴋialerajalaukput.
22Oᴋautivapsele: Tiruselo Sidonalo pitlartaunikinersaujomârput ilipsingnit uvluksame erᴋartuivingme.
23Igvillo Kapernaum, ᴋangatarsimajotit ᴋilak tikidlugo, kappianartovingmut kanunga ajaktortaujomârpotit. Sodomame taimâk angitigijunik tatamnartokalaukpat, sorlo ilipsingne, sulle uvlome asserortautailinajalaukput.
24Oᴋautivapsele: Sodomamiut nunangat pitlartaunikinersaujomârpok ilingnit uvluksame erᴋartuivingme.
25Taipsomane Jêsuse oᴋalerpok: Atâtak, ᴋilaublo nunablo nâlegangak, nakorivagit, ilisimajunut silatujunullo tamanna angigutjutigigangne, nutaᴋᴋatitun-itunullo nalojungnaitijutigigangne.
26Ilâ, Atâtak, taimâk sângne idluarᴋolaurangne.
27Tamaita Atâtab tunilaukpait uvamnut. Ernermiglo ilitarsijokangilak, Atâtab kissime ilitarivâ; Atâtamiglo ilitarsijokanginivok, Ernerub kissime, Ernerublo nalojungnaititsomajangita ilitarivât.
28ᴋaititse uvamnut tamapse, ajulertose kappiasuktoselo, nakoᴋsititsomavapse.
29Nangmautara ilipsingnut pisiuk, ilinniarvigivlungalo; ᴋenuênama piojorijuilarmalo ômatimne; tagva merngoerserviksarsiniarpose tarnipsingnut.
30Nangmautara idluarmat, nangmagaralo oᴋipok.
Currently Selected:
Mattêuse 11: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
