Mâlaki 1
1
1Oᴋausek nênertauniksaᴋ Nâlekab oᴋautigijanga Israêlemut Mâlakikut.
2Nagligilaukpapse, oᴋarpoᴋ Nâlegaᴋ. Oᴋarposele: Sumut nagligivitigût? Jâkob Esaue angajugilaungilaûk? oᴋarpoᴋ Nâlegaᴋ; Jâkole nagligilauᴋpara;
3Esauele ômigilauᴋpara, ᴋaᴋangillo inuᴋarungnaitilugit, kingormgutijangalo iniksangordlugo sunaᴋajuitûb ômajunginut.
4Edome oᴋaraloarpat: asserorsimavogut, uteromavogulle serᴋomakut âᴋiksoromavlugit; imâk oᴋarpoᴋ Nâlegaᴋ Zebaot: tâpkoa âᴋiksoilârput, uvangale oggotitsilârpunga: inuillo tailârpait: kiglemik idluilinermik, inôᴋatigêniglo Nâlekab ningarînartanginik.
5Ijipselo takojomârpât tamanna, oᴋaromârposelo: Nâlegaᴋ angijôdlarpoᴋ Israêlib kiglingata ungatânut.
6Ernerub atâtane opigivâ, kivgablo angajoᴋâne: Uvanga tagva atâtauguma, nanekâ opigijaunerâ? Oᴋarpoᴋ Nâlegaᴋ Zebaot ilipsingnut, ajoᴋertuijôjose, attimnik naggojose. Oᴋarposelo: Sunakut attît naggogivitigô?
7Nerᴋiksat maᴋojungnartut tunergutigivase tunerguservimne. Oᴋarposelo: sunakut maᴋojungnartipitigît? oᴋarapse: Nâlekab nerrivia suglunarsivoᴋ.
8Tautungitorlo tunergutigigupsiuk, (oᴋarpose) maᴋojungnalungilaᴋ! Tusiaktorlônêt ᴋanimajorlônêt tunergutigigupsiuk, (oᴋarpose) naggonalungilaᴋ! Pajugutigisiuk nunab atanerusinganut; tâpsoma ᴋuviaginajarᴋâtît? Kinaunîllônêt kamaginajarᴋaûk? oᴋarpoᴋ Nâlegaᴋ Zebaot.
9Taimaimat mâna Gude ᴋenuvigisiuk nâpkiniᴋovlugo uvaptingnik; tamanna ilipsingnit pisimangmat; tâpsoma nelisê ilaliorniarᴋaûk? Oᴋarpoᴋ Nâlegaᴋ Zebaot.
10Kanoᴋtôᴋ atausiublônêt akunapsingnit upkoat parngnanairsorajarpagit, sulinase ikoâlasaiᴋonase tunerguservimne! ᴋuviagilungilapse, oᴋarpoᴋ Nâlegaᴋ Zebaot, tunergutiniglo nerᴋiksanik pijomangilanga aggapsingnit.
11Tagva seᴋerngûb nuivianit nipivia tikidlugo attera angijôniarpoᴋ nelojut akorngane; ininelo tamaine tipigiksaivut attera pivlugo, nerᴋiksaniglo tunerguserput ivsornaitunik; attera angijôdlarmat nelojut akorngane, oᴋarpoᴋ Nâlegaᴋ Zebaot.
12Ilipsele ivsornartipâse, oᴋarapse: Nâlekab nerrivia ivsornarmat, pitangillo nerᴋiksaungmatta naggonadlartut.
13Oᴋarposetauᴋ: Merngortornadlarpoᴋ ilâ! Suglugivaselo, oᴋarpoᴋ Nâlegaᴋ Zebaot; ᴋaitsivoselo aᴋsârnigaujunik, tusiaktuniglo, ᴋanimajuniglo; tunergutiksanik taimaitunik ᴋaitsivose; ᴋuviaginiarpakkâle taimaitut aggapsingnît? Oᴋarpoᴋ Nâlegaᴋ.
14Uivêriklertorle ôminarsile, saugaᴋotime akorngane angusalungmik piᴋartoᴋ, angermariklunelo tunergusertoᴋ ᴋanoetolingmik Nâlekamut; uvanga atanersoangogama, oᴋarpoᴋ Nâlegaᴋ Zebaot, atteralo ileranadlarpok nelojut akorngane.
Currently Selected:
Mâlaki 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
