Mâlaki 2
2
1Mânalo, ilipse ajoᴋertuijôjose, perᴋojaᴋ tamanna ilipsingnut ilingavoᴋ.
2Tusâjomangikupse, ômamiutarijomangikupsiuglo attera opigijaksarigapsiuk, oᴋarpoᴋ Nâlegaᴋ Zebaot, tagva ôminarsijautiksaᴋ tililârpara akunapsingnut, saimanartoᴋotigijaselo ôminarsititsomavakka; ilâ, ôminarsititsarêrpakka, ômamiutarilaunginapsiuk.
3Ahâk, karngasûtit inerteromârpakka ilipse pivluse, aᴋtarnerlukuniglo siamartitsijomârpunga kênapsingnut, tagva aᴋtarnerlukunik neliuneᴋsiorvipsingnit pijunik; aularutijaulârposelo tâpkoa ilagilugit.
4Missigijomârpose tagva perᴋojaᴋ tamanna tiligapko ilipsingnut, angerutigijara Lêvimut ilingaᴋovlugo, oᴋarpoᴋ, Nâlegaᴋ Zebaot.
5Angerutigijara tâpsomunga inôgutauvlunelo ulapirᴋsautauvoᴋ; tunilauᴋpakkalo tâpsomunga sivôraᴋovlugo, sivôragivângalo, atteralo ileragidlarpâ.
6Perᴋojat mikseᴋârtôjut ᴋanimiutarivait, idluinerlo nagvârtaulaungilaᴋ ᴋangasinângine; arvertarᴋatigivângalo ulapirᴋsaumelo idluarnermelo, unuktuniglo sâgiartitsivoᴋ idluitulinermit.
7Ajoᴋertuijûb ᴋangasinâgik piulimaklertuksaungmanik ilisimanermik, perᴋojallo ᴋenertaujuksaungmatta tâpsoma ᴋaninganit, Nâlekab Zebaotib tilijaringmago.
8Ilipsele apᴋosineᴋ ᴋemakpase; unuktut naukiutitilauᴋpase perᴋojane; angerutigijaᴋ Lêvimut asserorpase, oᴋarpoᴋ Nâlegaᴋ Zebaot.
9Tamanna pivlugo naggonartilauᴋpase ariunartiluselo inôᴋatigêksuit tamaita sângine, apᴋosinikka atuatsainalaunginapsigik, inuillo kinauningit soᴋotigigapsigik perᴋojat nâlektauningine.
10Atautsimik atâtaᴋangilagût ilûnatâ? Gudib atautsib pingortilaungilâtigût? Suna pivlugo nelâgôngituliᴋatigêkitâ, atâtapta angiᴋatigêngnerijangat asserorlugô?
11Jûda nelâgôngitulivoᴋ, maᴋojungnartorlo piniarutauvoᴋ Israêleme Jerusalemelo; Jûdab Nâlekab ivsornaitoviᴋotinga erdligijanga ivsornartingmago, gudingoablo takorngartab pania nuliarivâ.
12Inuk taimailiortoᴋ Nâlekab pêjaivigilârpâ erᴋomajomiglo kiojomiglo Jâkob tupinginit, tunergutimiglo nerᴋiksamik tunergusertomik Nâlekamut Zebaotemut.
13Amalo imailivose: Nâlekab tunerguservinga mattuvase ᴋugvinut, ᴋeanermullo, anersauminermullo, tunergutit nerᴋiksat kamagijungnairmagit, ᴋuviasuklunelo ilaliolungimagit aggapsingnit.
14Oᴋarpose: Sôᴋ? Nâlegaᴋ najûtijôngmat ilingnullo inosungnivîllo nuliarijanganut, nelâgôngitulivigijarnut, aiparigaloarangne, angervigilauraloarangnelo nuliarijomavlugo.
15Atausingortitsilaungilârlo, anernerûb amiakunganik piᴋaraloartilugô? Sunalo pivlugo atautsemîk? Kinguvâksarsiolauᴋpoᴋ idluartomik. Tamanna pivlugo anernise udjertutsiarsiuk, inôsungnime nuliarijanga nelâgôngitulivigivlugo pijoᴋarᴋonago.
16Avitsineᴋ ômigidlarapko, oᴋarpoᴋ Nâlegaᴋ Israêlib Gudinga, mattujijorlo annorângminik aksorotjinermut, oᴋarpoᴋ Nâlegaᴋ Zebaot; tamanna pivlugo anernise udjertutsiarsiuk, nelâgôngituliᴋonase.
17Nâlegak merngortortipase oᴋausipsingnut-Oᴋarposele: Sunamut merngortortipitigô? Oᴋarapse, idluitulijut ilûnatik idluarput Nâlekab takoane, tâpsomalo ᴋuviagivait; imâglônêt: Gude erᴋartuijoᴋ naûk?
Currently Selected:
Mâlaki 2: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
