Saggaria 14
14
1Ahak, Nâlekab uvlunga naliutilerpok aᴋsârnigarijitit avgortaujomârmatta ilingne.
2Inôᴋatigêksuit tamaita Jerusalemut katersoromârapkit sorᴋsungnermut; iglugasaksuillo tigujaulârput, iglullo kongmarudjaujomârput, arnallo naggonarsartauvlutik; iglugasaksoarmiullo abvangit anijomârput aularutijauvlutik, inuillo amiakungit kipijaunialungilat iglugasaksoarnit.
3Nâlegak tagva anijomârpok inôᴋatigêksuillo tâpkoa sorᴋsukvigilugit, taimak sorlo sorᴋsulaurame unatadlarnerub uvlungane.
4Itigangillo tungalârput uvlorme tâpsomane ᴋaᴋame orᴋsuktalingme, Jerusalemib kitânêtome, ᴋaᴋarlo orᴋsuktalik ᴋeterᴋamigut ᴋopijomârpok kitâmullo kangimullo, kôroᴋsoaᴋalârporlo; ᴋaᴋablo abvanga avunga nûtsomârpok, abvangalo aunga.
5ᴋemâjomârposelo ᴋaᴋaksoama naksangagut; ᴋaᴋaᴋsûb naksanga Azelemut kigleᴋaromârmat; ilâ, ᴋemâjomârpose sorlo ᴋemâlaurapse nunab sajukpiludlarninganit Usiab Jûdab ataningata uvlungine; Nâlegarlo Gudît tikitsomârpok, ivsornaitullo tamaita ilagijomârpatit.
6Pijoᴋalârporlo uvlorme tâpsomane ᴋaumanek tikiniangimat ᴋaumavlunelo tâksilunelo;
7Uvloinaujomârporle Nâlekab ilitarijanga; uvlôngitok, unnuangôngitorlônêt; unnuble naliutuksauningane ᴋaumajomârpok.
8Uvlorme tâpsomane pijomârpok imît inôgutaujut anijomârmatta Jerusalemit, abvangit imarbik kidlek torârlugo, abvangillo imarbik kangidlek torârlugo; aujarmelo okiormelo taimaitsomârpok.
9Nâlegarlo ataniojomârpok nunamut tamaitaᴋsoarmut; uvlorme tâpsomane Nâlegak atausiojomârpok, atingalo atausiojomârpok.
10Nuna ilûnane ablatsângortitaujomârpok naternaᴋtut, Gîbamit Rimmonemut Jerusalemib siᴋernganêtomut; poktosijomârporlo, iniᴋalârlunelo iniksamine, Benjamib itertarvianit itertarviub sivorliub ininganut, itertarvingmullo terreᴋordlermut, Hananêliblo nuvugusinginit ataniub vaineliksanik iptêjaivinganut.
11Inuillo inigijomârpât, ôminarsineᴋarungnairomârporlo, Jerusalemelo terliklutik inigijomârpât.
12Makoangovullo sugiarutit Nâlekab annautarijomârtangit inôᴋatigêksoarnik tamainik unatariartolauᴋtunik Jerusalemik: uvinêrutijomârput sulle itigamingne nikovitilugit, ijingillo nunguvaliajomârput ijeᴋarvingmingne, oᴋangillo nunguvaliajomârput ᴋaningine.
13Pijomârporlo uvlorme tâpsomane pikablâdlartoᴋaromârmat Nâlekamit tâpkoa akorngane; ilûnatik atunit inôᴋatime aggangit tigumitoromârpait; aggangmingnullo sillugêgomârput.
14Jûdablo Jerusalem sorᴋsugvigijomârpâ; inôᴋatigêksuillo avatânêtut akluiningit katersortaujomârput, goldelo, silberelo, annorâllo unuktovaksuit.
15Naliutijomârpoktauk sugiarût horsinut, siutiᴋortojoᴋsoarnullo, kamêlinullo, siutiᴋortojunullo, nergjutinullo tamainut tangmârvingnêtunut tâpkonane itsomârmat sugiarutitut ipsotunak.
16Pijomârporlo inôᴋatigêksuit ilûnatik Jerusalemut sorᴋsugiartolauᴋtut amiakungit ilûnatik majoraromârmatta jârit tamât Atanek Nâlegak Zebaot tuksiarvigijomavlugo, uvloksiorlutiglo akkerᴋunik milukatalingnik igloᴋarvingata uvloksiorvinganik.
17Nunablo ᴋitorngarêngit nallit majoralungipatta Jerusalemut Atanek Nâlegak Zebaot tuksiarvigijomavlugo, tâpkoa silalungmut tikitaululângilat.
18Egiptenemiullo ᴋitorngarêngit majoralungipatta tikinatiglo, tâpkoatauk silalungmut tikitaulângilat; nanelônêt Nâlekab annaupagit inôᴋatigêksuit majoralungitut akkerᴋunik milukatalingnik igloᴋarvingata uvloksiorvingat uvloksiorutigijomavlugo, tagvane sugiarût atulârpoᴋ.
19Tamanna Egiptenemiut inôᴋatigêksuillo ilûnatik majoralungitut akkerᴋunik milukatalingnik igloᴋarvingata uvloksiorvingat uvloksiorutigijomavlugo, pidlartauniksarilârpât.
20Uvlorme tâpsomane sivaniarsuit horsinêtut aglagviolârput: Ivsornaitok Nâlekamut; ukkusillo Nâlekab iglunganêtut pôgutatitut tunerguserviub sânganêtutitut ituksauvut.
21Ilâ, ukkusit ilûnatik Jerusalemêtut Judamêtullo ivsornaituksauvut Nâlekamut Zebaotemut; ilûnatiglo tunergusijartut tigusivigilârpait igavigilugillo; uvlorme tâpsomane Kanaanemioᴋarungnairomârpok Nâlekab Zebaotib iglungane.
Currently Selected:
Saggaria 14: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
