Hosea 11
11
1Israele sorusiotilugo nagligilauᴋpara, erneralo ᴋaiᴋolauᴋpara Egiptenemit.
2Tâpkoa ᴋaiᴋojarangamigit ipkoa ᴋemâvait: tunerguserput Baalinut, tipigiksautiniglo isserluanititsivut inungoaliarimajanut.
3Uvangale Efraim pisungnermik ilisalauᴋpara; talimnut tigumiarpara; ᴋaujimalaungilalle uvanga inûligapkit.
4Inûb amuarutinginut amualauᴋpaka, naglingnerub ᴋelaksûtinginut; tâpkonungalo ilingavunga pêjaijotut kingmiaramik aglerunginit, sânginullo ilijilauᴋpunga nerᴋiksanik.
5Egiptenemut utertuksaungilaᴋ; Assiriamiorle atanerilârpât, sâgiaromangimatta.
6Saviksoarlo katagomârpoᴋ iglugasaksoanginut palangairutingit asserorlugit nungulugillo, kajusijûtitik nangminerijatik pivlugit.
7Inuᴋotikka kingupiartorsimangmatta uvamnit; ᴋotsiktomêtomut ᴋaiᴋojaugaloarmatta, atautsemiglônêt ᴋagverasuartoᴋangilaᴋ.
8Kanorle sapkojungnarpagît, Efraim? Kanoᴋ piulijungnarpagît, Israêlê? Kanoᴋ ilingatitsungnarpagît Admatût? Kanoᴋ pititsungnarpagît Zeboimetût? Omatiga mumikpoᴋ ilumne, ilapsugosungnikka atautsikut ikoâladlartotut ilingavut.
9Ningarnima ilungertudlarninga nâmaksititsomangilara, uteromangilanga Efraim asseroromavlugo; Gudeogama, inônginamalo; ivsornaitoᴋsôjunga akunapsingne; ningarlungalo iteromangilanga iglugasaksoarnut.
10Nâlegaᴋ maligomârpât, tâmnalo loevetut kalingoaromârpoᴋ; tamna kalingoaromârmat, ᴋitorngaujullo sajudlarlutik tikitsomârput pângat.
11Tingmiaᴋtut Egiptenemit sajudlarlutik tikitsomârput, taubetullo nunamit Assiriamit: ineᴋartitsomârpakkalo iglomingne, oᴋarpoᴋ Nâlegaᴋ.
12Efraimib ilumavânga saglonermut, Israêliblo ᴋitorngangita uiveriklernermut; Jûdale atavoᴋ sulle Gudemut, nelâgôrporlo ivsornaitoᴋsôjomut.
Currently Selected:
Hosea 11: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.