Hosea 12
12
1Efraimib anore aᴋᴋeartorutigivâ, unangârlo udlapâ; saglonerit asserornartullo unuksitipait ᴋaut tamât; Assirialo angiᴋatigivât, orᴋsorlo âtauvoᴋ Egiptenemut.
2Nâlegaᴋ akkerartûtiksaᴋarpoᴋ Jûdamut, Jâkolo sugiaromârpâ apᴋotigijangit maliklugit; piniarningit maliklugit akkiniaromârpâ.
3Igliarmetillugu angajune tigumiarpâ kingmingagut; pitsartunerminelo Gude pâvâ:
4Ilâ, engele pâvâ, ajugauvlunelo; ᴋeavorlo, tuksiarvigivlugolo; Beteleme naipipâ, tagvanelo oᴋaᴋatigivâtigut;
5Tagva Nâlegaᴋ, katimgajoᴋsuit Gudingat; erᴋaumajutinga tagva Nâlekamik.
6Tamanna pivlugo sâgiarit Gudingnut; nâpkiningneᴋ idluarsainerlo aulartailitikik, sorairnaglo Gudît nerriugvigiuk.
7Niuverniarteovoᴋ, kittitautit uiveriklernartut aggangmiutarivait: uiveriklerneᴋ ᴋuviagivâ.
8Efraimelo oᴋarpoᴋ: Akluipunga atso, akluinermik nagvârpunga; piniarnimne tamaine idluinermik ajorniojomik nagvârtoᴋarniangilaᴋ uvamne.
9Uvangale Nâlegauvunga Gudigijat Egiptenemênerilauᴋtarnit; tupingne iniksaᴋartitsomârivagit sulle, sorlo uvlune uvloᴋsiorviojune.
10Nelautaijut oᴋarvigilauᴋpakka, takotitjutillo unuksitilauᴋpakka; adsiujuniglo atorpunga nelautaijut kivgartorningitigut.
11Gileade idluiniovâ? Ilâ, suksaungitomarikput, Gilgaleme tunerguserput tuktuvangnik: tunerguservingille ᴋigguingortuksauvut perorsêvingne makpertertaujune.
12Jâkolo ᴋemâlauᴋpoᴋ Aramib naternanganut, Israêliblo nuliaksaᴋ kivgartûtigiva, nuliaksarsiniarlunelo saukanik mianersivoᴋ.
13Nelautaijokullo Nâlekab Israêle Egiptenemit majorartilauᴋpâ, nelautaijomullo pairijaulauᴋpoᴋ.
14Efraim ᴋasilinartoᴋsoarmik ningaksaivoᴋ; tamanna pivlugo aunga ᴋemaktaujomârpoᴋ tâpsomane, mitautauningalo Nâlekab utertitsomârpâ tâpsomunga.
Currently Selected:
Hosea 12: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.