Hosea 10
10
1Israele napârtôvoᴋ vaineliksaᴋ siamangatsiartoᴋ, paungatârpaktoᴋ: paungangita unurningititut taimak tunerguservine unuksitipait; nuname piloringninga maliklugo taimak napajoliorpoᴋ.
2Omatingit maggoilisimavut; mâna pidlaraksauvlutik naipitauniarput; tâpsoma annaulârpait tunerguservingit, napajoliarimajangillo asserorlugit.
3Mâna oᴋalârput: Ataneᴋangilagut: Nâlegaᴋ sivôragigaptigo; ataniublo ᴋanoᴋ ikajorungnarpâtigût?
4Oᴋauseᴋarput tukkeᴋangitunik, saglovlutik angerput angiᴋatigêngnelioramik; tamanna pivlugo erᴋartuineᴋ nuilerpoᴋ perornerluktutitut toᴋonartutitut perorsêviub makpertertangine.
5Samariamiut noggangoat Bet-avenemêtut oggorijomârpait, inungita kiksautigivât, ajoᴋertuijungitatauᴋ ᴋuviasuteᴋalauᴋtut tâpsominga, pinnarnarnerilauᴋtanga pêjartaungmat.
6Tâmnatauᴋ aularutijaujomârmat Assiriamut, tujutiksauvlune atanermut Jârebemut: Efraimib kangusungneᴋ pilârpâ, Israêliblo atanertuinine kangusutigilârpâ.
7Samaria kipijauvoᴋ atanine ilagilugo, sorlo imab ᴋapunga.
8Poᴋtojut Aveneme, Israêlib ajornerijangit, asserortaulârput: ukpigait kakilautilît perornerluktullo kakilanartut nuitajomârput tunerguservingine; ᴋaᴋᴋâlungnut oᴋaromâlerput: Uliktigut! ᴋaᴋᴋârulangnullo: Sitorvigidlartigut!
9Israêle, Gibeab uvlunginit idluitulidlarpotit; tagvane nangilauᴋput; tikitauᴋonagit unatarnermut idluinerub ᴋitornganginit pijomut.
10Pijomaguma, sugiaromârpakka; inôᴋatigêksuillo katimajomârput tâpkonunga, ᴋelaksortaukpatta idluinitik magguit pivlugik.
11Efraimelo tuktuvârauvoᴋ sungiutisârtaujoᴋ, ᴋuviasuteᴋartoᴋ tullerarnermik sulugainernik; uvangale ᴋongesinganut pinnarnartomut ablangavunga: Efraim ikimajoᴋartitsomavara; Jûda poagijartuksauvoᴋ, Jâkolo maniksaijuksauvoᴋ.
12Karngasoigitse nangminipsingnut idluarnerme, katersoiluselo nâpkiningneᴋ maliklugo; nunase poagijartaumangitoᴋ poagijarsiuk: neliutilermat Nâlegaᴋ ᴋenerlugo, tikerᴋartinago, koverarluselo idluarnermik.
13Idluinermik poagijalalaurapse, idluitulinermiglo katersoiluse; saglonerublo paunganginik nerrivose; apᴋotigijat pitsartujoᴋsoaᴋotivillo unurningit tatigilaurangne,
14Taimaimat pikablâdlartoᴋalârpoᴋ inuᴋotivit akorngane, serngnigijauviksatillo ilûnatik asserortaulârput, sorlo Salmanib Betarbele asserorlaungmago taipsomane unatarnerme: anânaᴋ egitauvlune serᴋalitaulaungmat ᴋitorngane ilagilugit.
15Taimak piniarviolârpose Beteleme idluitoᴋsônise pivlugit: ᴋaulertainartilugo Israêlib ataninga kipijaumarigomârpoᴋ.
Currently Selected:
Hosea 10: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.