Galâtsiamiunut 3
3
Okpernermut idluartitauneᴋ oᴋautaugannerpoᴋ.
1Silaitoksôjose ilipse Galâtsiamiojose! kia angakovigilauᴋpâse mikseᴋârnermik nâlegungnaitilusê? Ilipse sâpsingne Kristuse Jêsuse oᴋâlanikut adsiliorsimavoᴋ akunapsingne kikiaktortauvlune sorlo.
2Mattomingainaᴋ illiniaromavunga ilipsingnit: Perᴋojat piniarᴋojanginut, ubvalo okpernermik oᴋâlanermut Anernermik pivisê?
3Taimak angitigijomik silaitoᴋsôvisê? Anernerme pigialertose, uviningme mâna nâjiniaromavisê?
4Taimaitoᴋsoarnik sulinase siorniulauᴋisê? Sulinase pilaurupse.
5Anernermik tagva ilipsingnut pititsijoᴋ, akunapsingnelo taimaitunik tatamnartitsijoᴋ, perᴋojat piniarᴋojanginut ubvalo okpernermik oᴋâlanermut taimak pivâ?
6Sorlo Abrahab Gûde okperingmago tamannalo idluarnerartaujutigilaungmago. #Gen. 15:6.
7Tamattomangat tagva ᴋaujijungnarpose, okpernermit pijut, tâpkoa Abrahâb ᴋitorngarivait.
8Aglaille sivorngagut nelonaititsilauramik, Gûdib nelojut okpernermut idluarsitingmagit, Abrahâ ᴋaujitipât, ilikut kinguvârêt ilûnamatsiatik saimausertaujomârput. #Gen. 12:3; 18:18.
9Taimaimat okperneᴋartut Abrahâ okpertoᴋ saimausertau ᴋatigijomârpât.
10Perᴋojat piniarᴋojanginik tatteᴋartut ilûnatik ôminarnermêngmatta. Aglaksimangmat: Ominarsile neliat nâlengitoᴋ tamainik aglaksimâjunik aglangne perᴋojane, malingnagillo. #Deut. 27:16.
11Gûdemele idluarsititaujoᴋarniangimat perᴋojat piniarᴋojanginut, nelonairsimavoᴋ; idluartoᴋ okpernerminut inôniarmat. #Hab. 2:4.
12Perᴋojalle okpernermit pingilat; inûble tamakkoa malitsiarunigit, inôtigijomârpait. #Lev. 18:5.
13Kristusible piulilauᴋpâtigut perᴋojat ômigijautitsininganit, nangmineᴋ ôminartitaulaungmat pivluta, aglaksimangmat: Ominarsile neliat ᴋejungme nivingajoᴋ. #Deut. 21:23.
14Abrahâb saimautjauninga perᴋovlugo nelojunut Kristuse Jêsusikut, Anernermik angerutaumajomik peᴋarᴋovluta okpernermut.
15Katangutikka! Inuktut oᴋaromavunga: Inûb testamentinga nachogijauvangikalloarpoᴋ kimullônêt, naᴋitjusersimakpat, illajauvangilarlo.
16Abrahâle kinguvâksangalo angersimaviovuk. (Gûdible) oᴋausingit imaingilat: “kinguvâksanut,” unuktôtidlugit, kissiane atausiotidlugo imâk: “kinguvâksarnut;” tâmna Kristuseovoᴋ.
17Imâgle oᴋarpunga: Testamente imna Gûdib sivorngagut naᴋitjusilauᴋtanga Kristusemut (ilingatilugo), soᴋosertitaujungnangilaᴋ perᴋojanut, jârit 430 tamattoma kingorngagut tunimajunut; angersimaneᴋ taimak pijungnaititauniangilaᴋ.
18Kingormgutijaksaᴋ perᴋojanut piksangortitaukpat, tagva angersimanermut tunijaunajangilaᴋ. Gûdible Abrahâmut tunilauᴋpâ angernikut.
19Perᴋojat tagva suksauvât? Tunijaumavut ajorneᴋ pivlugo, kinguvâksaᴋ imna angersimanermik pititaulauᴋtoᴋ tikitsiarivlugo; tâpkoa tunimavut Engelit kivgartortigilugit, pijitsertub aggangitigut.
20Pijitsertorle atausênarmut pijitsertôlungilaᴋ; Gûdele atausênauvoᴋ.
21Kanôᴋ? Perᴋojat tagva akkerartorᴋât Gûdib angersimaninganût? Taimaitsangilaᴋ. Omartitsijomigle perᴋojaᴋarpat, idluarsititauneᴋ tagva nelâgut perᴋojanit pinajarpoᴋ.
22Aglaille ajortolingortilauᴋpait tamaita, okpernermut Jêsuse Kristusemut angerutaumajomik tunitsivioᴋovlugit okpertut.
23Okperviksarle tikerᴋârtinago, perᴋojanut saputijaulauᴋpogut palangairtauvluta, okperviksaᴋ saᴋᴋijârtuksaujoᴋ neliutsiarivlugo.
24Perᴋojat tagva sugiartautiksarilauᴋpavut Kristusemut (torârtitauvluta), idluartitauᴋovluta okpernermut.
25Mânale okperviksaᴋ tikingmat, sugiarte atanerijungnairpavut.
26Ilûnase Gûdib ᴋitorngaringmase, okpernermut Jêsuse Kristusemut.
27Ilûnase Kristusemut baptisimajose Kristuse atimagapsiuk.
28Tagvane Jûdillônêt Grîᴋillônêt, tagvane kivgallônêt kivgaungitullônêt, tagvane angutillônêt arnallônêt adsigêngitoᴋangilat; ilûnase atausiogapse Kristuse Jêsuseme.
29Kristusible pigikpase, Abrahâb tagva kinguvârivâse, kingormgujijuksaugivose angersimaneᴋ pivlugo.
Currently Selected:
Galâtsiamiunut 3: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
