Galâtsiamiunut 1
1
Galâtsiamiut sangusaraininginik. Paulusib Nâlekamut nangmineᴋ Apostelingorititauninganik.
1Pauluse Aposteliotitaujoᴋ (inungni-ungitoᴋ, inungnu-ungitorlônêt, Jêsuse Kristusemulle Gûdemullo Atâtamut, tâpsominga tupaktitsijomut toᴋungajunit;)
2Katangutillo ilûnatik uvamnêtut illagêktunut Galâtsiamêtunut.
3Gûdib Atâtab, Nâlegaptalo Jêsusib Kristusib saimarsautingata ulapirsautingatalo illagilisetôᴋ!
4Tâmna ingminik tunilauᴋpoᴋ ajornivut pivlugit, piulijomavluta silamit mattomangat ajortomit, Gûdib Atâtapta pijomajanga maliklugo.
5Tâmna nakoridlartaule issoᴋangitomit issoᴋangitomut. Amen.
6Tataminiarpunga, mânakut oᴋautsit tussarnertut assinginut sâsimalerêrapse, Kristusib saimarsautânut ᴋaiᴋojigimajase tunudlugo.
7Asseᴋangigalloartilugo. Illangille ilaᴋematitsivut ilipsingnik, Kristusiblo oᴋausingit tussarnertut mumiktitsomavlugit.
8Nangminerlônêlle uvagut, Engeliblônêt ᴋilangmit oᴋautsinik tussarnertunik oᴋâlavigikpase, oᴋâlatigilauᴋtapta ilipsingnut assinginik, taimaitoᴋ ôminarsile.
9Oᴋauserilauᴋtaptitut, mâna ama oᴋarivunga: Neliatalônêt oᴋautsinik tussarnertunik oᴋâlavigikpase tunergusiapse assinginik, taimaitoᴋ ôminarsile.
10Tagva inuillônêt Gûdiblônêt ᴋuviagijanganut mâna oᴋâlavîk? Inungnullônêt ᴋuviagijaujomavlungâ? Inungnut sulle ᴋuviagijaujomaguma, Kristusib kivgarinajatsangilânga.
11Nelojungnaitipapsele, ᴋatangutikka, oᴋautsit tussarnertut oᴋâlatigijaujut uvamnut, inungnit pingimatta.
12Inungmut makkoninga tunitsiviolaunginama ajoᴋertortaunangalônêt, Jêsusible Kristusib saᴋᴋertitsininganut.
13Tussaumalaurapse iliornerilauᴋtamnik, taipsomane Jûdit ilusingit iluserilaurapkit, Gûdib illagêktoᴋotingit angnerpângojomik unangmidlalaurapkit, nungunasuarlugillo.
14Jûdit ilusinginit pilualauᴋpunga, anginersamik unuktunit illamnit jâreᴋatimnit, ilungertulualaurama sivorlima ilusingit serngnigivlugit.
15Gûdible uvamnik ingmigôlingatitsilauᴋtub anânama timingata iluanênimnit, saimanermigullo ᴋaiᴋojigilauᴋtama, idluaringmago.
16Ernine saᴋᴋertitsomavlugo ilumne, oᴋautsinut tussarnertunut oᴋâlajuksauᴋovlunga tâpsominga nelojut akorngane; erinesuklunga tagva pivunga, uvinik auglo issumaksarsioᴋatiginagik.
17Jerusalemullônêt tikilaungitunga sivunipkut Aposteliojunut, Arâbiamulle ailauᴋpunga, Damaskusemullo ama uterdlunga.
18Kingorngagut, jârit pingasut nângmatta, Jerusalemut tikipunga, Pêtruse takojomavlugo, uvluniglo 15 inik uvlilauᴋpunga tâpsomane.
19Apostelille assingit takolaungilakka, Jakôbuse kissiat, Nâlekab ᴋatangutâ.
20Tamattomingale aglagvigiluse saglungitunga, ila Gûdib ᴋaujimavânga.
21Kingorngagut Sîriablo Ziliziablo nunanginut pivunga.
22Kristusible illagêktoᴋotinginut Jûdêame takojaunanga illitarijaulaungitunga.
23Imâgle tussaumatuinalauᴋput, imna uvaptingnik unangmiklilauᴋtoᴋ sivorngane mâna nangminek okperijauᴋolaungitaminik okperijauᴋojilerpoᴋ oᴋâlavlune.
24Gûdelo nertorpât pivlunga.
Currently Selected:
Galâtsiamiunut 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
