II Korintemiunut 13
13
Paulusib pidlarnigomanane kaiblarpait ᴋaᴋialerᴋovlugit.
1Mâna pingajuanik tikiniaruma ilipsingnut, tagva maggûk pingasullônêt kigligiudsijut oᴋautigijanginut ilinganerit sunatuinait soᴋosijuititauniarput.
2Sivorngagut oᴋautilauᴋpapse, ama sivorngagut oᴋautipsârpapse, najorluse sôrlo; mânalo apsimavlunga aglagvigivakka sivorngagut ajortulilauᴋtut, assingillo ipkoa tamaita, imâk: tikingmiguma, pidlarniktailiniangilanga.
3Pinasuarapse ikpigititaujomavluse tâpsominga, uvapkut oᴋâlajomik, tagva Kristûsemik; tâmna akunapsingne sangêngitoᴋ, pitsartudlartorle akunapsingne.
4Tâmnalo kikiaktortaugalloarame sangênerme, omârivoᴋ Gûdib pitsartuningane; uvaguttauᴋ tâpsomane sangêgalloartogut, inôᴋatigivavut Gûdib pitsartuninganut akunapsingne.
5Nautsertoritse nangminipsingnik okpernermêngmângapse, kiglisiniaritse ilipsingnik. Ubvalo nangminipsingnik illitaringilasê, Jêsusib Kristûsib ilupsingnêninga maluginagô? Atungitutitunilungikupse.
6Issumavungale ᴋaujimaniarapse uvagut atungitutitun-itsanginapta.
7Gûdele tuksiarvigivara, sumiglônêt piungitulerᴋonase; uvagut atortutitut saᴋᴋeromavluta pingilanga, ilipsele ajungitulerᴋovluse, uvagullo sôrlo atungitutitut-erᴋovluta.
8Mikseᴋârneᴋ akkerartorungnangilavut, piniarlutale mikseᴋârneᴋ pivlugo.
9ᴋuviasukpogulle, sangêtarangapta, ilipsêlo pitsartuneᴋarupse. Tamannalo ᴋilanârutigivavuttauᴋ, tagva nâmaktungortitaunise.
10Taimaimat aglakpakka ukkua apsimavlunga, erᴋartuijomananga najulerupse, pitsartuneᴋ Nâlekab tunijanga uvamnut idluarsaijutiksaᴋ asserornangitorlo atorlugo.
11Tagva, ᴋatangutikka, ᴋuviasugitse, nâmaksiniaritse, manigortigêgitse, adsigêktomik issumaᴋaritse, ullapirsauteᴋaritse; taimâk naglingniktub ullapirsaijublo Gûdib illaginiarpâse.
12Salutiᴋatigêgitse salutimut ivjornaitomut. Ivjornaitut ilûnatik salutipâse.
13Nâlegapta Jêsusib Kristûsib saimaningata, Gûdiblo naglingningata, Anernerublo ajunginerub illagêngningata illagilise ilûnase. Amen.
Aglait aipaingit Korintemiunut aglaktaumavut Filippimit Mazedôniamêtomit. Titûsib Lukasiblo neksalauᴋpait.
Currently Selected:
II Korintemiunut 13: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
