I Timôteusemut 2
2
Tuksiarutjijuksaunermik. Angutit arnallo ilusiksanginik.
1Tagva mâna ᴋaiblaivunga, tamainit sivorlermik ᴋenujoᴋarᴋovlugo, tuksiartoᴋarᴋovlugolo, ᴋujalijuteᴋartoᴋarᴋovlugo inuit ilûnaita pivlugit;
2Atanivîllo atanersuillo tamaita pivlugit, ullapitaunangitomik terlingnartomiglo inôseᴋarungnarᴋovluta Gûdemik nâlengnêrme ilusitsiaringnermelo.
3Tamanna idluarmat, ᴋuvianarlarmelo Gûdemut piulijiptingnut;
4Tâpsoma inuit ilûnaita piulijauᴋojomavait, mikseᴋârnermiglo ilitarsititaulerᴋovlugit.
5Gûde atausiongmat, atausiogivok pijitsertok Gûdeme inungnelo, tagva inuk Kristûse Jêsuse;
6Ingminik tunilauktok piulijiksaujomavlune ilûnainut, tamanna oᴋâlatigijauᴋovlugo neliuningane.
7Tamattominga oᴋâlajungortitauvlungalo Apostelingortitaujunga, (nelâgôrtomik oᴋarpunga Kristûseme, saglunanga) nalojunik ajoᴋertuijungortitaujunga, okpernermelo mikseᴋarnermelo.
8Tagva mâna pijomavunga, angutit tuksiarᴋovlugit ilûnâne, aggatik ivjornaitut kiviklugit, ningarosugatik ᴋolaratiglo.
9Taimâktauk arnat iktôrnermullo ilusitsiariklutiglo ânanausititserᴋovlugit ingmingnik; nujamingnik pergainermut, goldemullônêt, sapanganullônêt, annorânullônêt akkitudlartunut pinatik;
10Arnalle, Gûdemik nâlektut, pijariaᴋarningititut, ajungitulinermut.
11Arnak nippangerdlune ilinniartuksauvok, ilûnâne nâleklune.
12Arnarle ajoᴋertuijomajok inertertailiniangilara; atanioᴋongminago uiminut, niporlunelo pijuksauvok.
13Adame pingortitauᴋârmat, kingorngagut Eva.
14Adamelo uivêrijauᴋâlaungilak, arnarle uivêrijaulaukpok, nâlegungnainermiglo pititsilertok.
15Arnalle piulijaujomârput ᴋitorngivaklutik, okpernermêtsainarunik, naglingnermêtsainarlutiglo, ivjornailivalliavlutiglo, ilusitsiariklutik.
Currently Selected:
I Timôteusemut 2: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
