Popular Bible Verses from I Timôteusemut 2

Share

Gûde atausiongmat, atausiogivok pijitsertok Gûdeme inungnelo, tagva inuk Kristûse Jêsuse; Ingminik tunilauktok piulijiksaujomavlune ilûnainut, tamanna oᴋâlatigijauᴋovlugo neliuningane.

Tagva mâna ᴋaiblaivunga, tamainit sivorlermik ᴋenujoᴋarᴋovlugo, tuksiartoᴋarᴋovlugolo, ᴋujalijuteᴋartoᴋarᴋovlugo inuit ilûnaita pivlugit; Atanivîllo atanersuillo tamaita pivlugit, ullapitaunangitomik terlingnartomiglo inôseᴋarungnarᴋovluta Gûdemik nâlengnêrme ilusitsiaringnermelo.

Tagva mâna pijomavunga, angutit tuksiarᴋovlugit ilûnâne, aggatik ivjornaitut kiviklugit, ningarosugatik ᴋolaratiglo. Taimâktauk arnat iktôrnermullo ilusitsiariklutiglo ânanausititserᴋovlugit ingmingnik; nujamingnik pergainermut, goldemullônêt, sapanganullônêt, annorânullônêt akkitudlartunut pinatik; Arnalle, Gûdemik nâlektut, pijariaᴋarningititut, ajungitulinermut.