Popular Bible Verses from I Timôteusemut 1

Share

Oᴋausek okpernartoᴋsôjok tamadja, angijomik nâleluariaᴋarnek, Kristûse Jêsuse nunamut tikingmat idluitulijut piulijartorlugit, tâpkonangat uvanga anginerôjunga.

Taimaimalle nâpkigijaulerpunga, Jêsuse Kristûse sakᴋertitserᴋovlugo ᴋenuersârnerminik, piluartomik uvamne, igjaraksaulerᴋovlunga okperomârtunut tâpsomunga inôseᴋarniardlutik issoᴋangitomik.

Perᴋojat nalonairtitangat angnerpâk imaingmat: Naglingnek ômamut ivsornaitomut, issumamullo passijaksaungitomut, okpernermullo takkormôjuitomut.

Gûdele, atanivik issoᴋangitok, nungusuitorlo, takuksaungitorlo silatujotôjorlo nâlengnarsile nakoridlartaulunelo issoᴋangitoksoarmut. Amen.

Tamanna ᴋaujimavlugo, perᴋojat tunijaungimatta idluartok pivlugo, idluitulijulle, tappatojullo, Gûdemiglo nâlengitut, ajortulijullo, ivsornartulijullo, ᴋuksalaitullo toᴋotsijullo atâtamingnik anânamingniglo, inuartullo, Assiniartullo, nukapitjaniglo uivêriklertut, inungniglo tigliktut, saglotojullo, angerluktullo assingillo taimaitut ajoᴋertûtsemik atsuilinartomik akkerartortut pivlugit