Apocalípsis 6
6
Rölluchö sëllukuna laqarëkaqta Jesucristo jorqunqan
1Tsëchömi rikarqä rölluta punta kaq laqarëkaq sëlluta Achkas kichariqta. Kichariptinnam nöpanchö këkaq chusku kawëkaqkunapita juknin qaparipa qayakur kënö nimurqan: <<¡Shamï!>> nir. 2Tsënö niptinnam yulaq cawalluta rikarqä. Montaraqninnam flëchan tsarashqa karqan.#Zac. 1.8; 6.3, 6. Pëmi corönata chaskirir Teyta Diospa contran kaqkunata vencir ushakätsinanpaq ëwarqan.
3Rölluchö ishkë kaq laqarëkaq sëlluta Achkas kichariptinnam nöpanchö këkaq chusku kawëkaqkunapita juknin qayakur nirqan: <<¡Shamï!>> nir 4Tsënö nïkuptinmi puka püru cawallu#Zac. 1.8; 6.2. yarqaramurqan. Montaraqninnam jatun espädata chaskirir ëwarqan nunakunata chikinakatsir kikinkunapura wanutsinakuyänanpaq.
5Rölluchö kima kaq laqarëkaq sëlluta Achkas kichariptinnam nöpanchö këkaq chusku kawëkaqkunapita juknin qayakur nirqan: <<¡Shamï!>>
Tsënö niptinnam yana cawallu yarqaramuqta rikarqä. Montaraqninnam balanzan tsarashqa këkarqan.#Zac. 6.2, 6. 6Tsënam tsë chusku kawëkaqkunapa chöpinpita kënö nimuqta wiyarqä: <<¡Muchïmi kanqa! Juk kïlu trïgullatam rantiyanqa juk junaq jornalninkunawan, y kima kïlu cebädallatam rantiyanqa juk junaq ganayanqanwan. ¡Aceitiwan vïnuqa kanqanllam këkanqa!>>
7Rölluchö chusku kaq laqarëkaq sëlluta Achkas kichariptinnam nöpanchö këkaq chusku kawëkaqkunapita juknin kaq qayakur nirqan: <<¡Shamï!>>
8Tsënö niptinnam bäyu cawalluta rikarqä. Tsë cawallu montaraqpa shutinmi karqan Wanï.
Pëpa qepantanam Hades shamurqan. Ishkanmi yarqayämurqan nunakunata espädawan, muchïwan, qeshyawan y chucaru animalkunawan wanutsiyänanpaq. Puëdiqmi kayarqan pullanpa pullanninta nunakunata wanutsiyänanpaq.#Eze. 14.21.
9Rölluchö pitsqa kaq laqarëkaq sëlluta Achkas kichariptinnam altar chakinchö almakuna këkäyaqta rikarqä. Tsë almakunaqa kayarqan Diospa willakïninta cäsukuyashqanpita y Jesucristuman markäkuyashqanpita wanutsishqa nunakunapa almankunam. 10Pëkunam qaparipa niyarqan: <<Nishqëkikunata cumpliq santu Teyta Dios, ¿imëtaq wanutsiyämaq nunakunata juzganki?>>
11Tsënö niyaptinnam Teyta Dios kënö nirqan: <<Shuyariyëraq. Qamkuna wanuyashqëkinöllam wakin kaq markäkamuqkunapis wanuyanqa>>. Tsënö nirmi tsë almakunata yulaq ratashta yakaratsirqan.
12Rölluchö joqta kaq laqarëkaq sëlluta Achkas kichariptinnam patsa feyupa kuyukurirqan.#Apoc. 11.13; 16.18. Tsë höram rikarqä inti yanayar lütu ratashnö tikrariqta#Isa. 13.10; Joel 2.10, 31; 3.15; Mat. 24.29; Mar. 13.24-25; Luc. 21.25. y killapis yawarman tikrariqta. 13Alläpa vientuptin hïgus shikwaqnöran qoyllurkunapis ciëlupita shikwayämurqan. 14Ciëlupis imëka röllunömi ëllukakurkur tsinkarirqan#6.14 Wakin nunakunaqa illaririrqan niyanmi..#Isa. 34.4. Jirkakunapis y lamarchö islakunapis juk lädumanmi witikuriyarqan.#Apoc. 16.20.
15Kë patsachö reykunapis, precisaqkunapis, rïcukunapis, capitankunapis, puëdiqkuna, esclävukuna y wakin nunakunapis qaqakunamanmi y machëkunamanmi ratakuyarqan.#Isa. 2.19, 21. 16Tsëchömi jirkakunata y qaqakunata kënö niyarqan: <<¡Juklla janäkunaman jeqamur nitikarkalläyämë!#Ose. 10.8; Luc. 23.30. ¡Trönuchö tëkaqpita y Achkaspa piñakïninpita tsapëkalläyämë! 17¡Llapan nunakunata castigananpaq tiempu chämushqanam! ¡Piraq tsë castïgunta awantanqa!>>#Isa. 13.6; Eze. 30.2-3; Joel 1.15; 2.11; Amós 5.18-20; 8.9-14; Sof. 1.14-18; Mal. 3.2.
Currently Selected:
Apocalípsis 6: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
