Mat 3

Wa'azin Yahaya Maibaftisma

(Mar 1.1-8; Luk 3.1-9; Yah 1.19-28)

1A wannan zamani ne Yahaya Maibaftisma ya zo, yana wa'azi a jejin Yahudiya, 2#Mat 4.17; Mar 1.15 yana cewa, “Ku tuba, domin Mulkin Sama ya kusato.” 3#Ish 40.3 Wannan shi ne wanda Annabi Ishaya ya yi maganarsa, ya ce,

“Muryar mai kira a jeji yana cewa,

‘Ku shirya wa Ubangiji tafarki,

Ku miƙe hanyoyinsa.’ ”

4 # 2Sar 1.8 Yahaya kuwa yana saye da tufa ta gashin raƙumi, yana kuma ɗaure da ɗamara ta fata, abincinsa kuwa fara ce da ruwan zuma. 5Sai mutanen Urushalima, da na dukan Yahudiya, da na duk ƙasashen bakin Kogin Urdun, suka yi ta zuwa wurinsa, 6yana yi musu baftisma a Kogin Urdun, suna bayyana zunubansu.

7 # Mat 12.34; 23.33 Amma da Yahaya ya ga Farisiyawa da Sadukiyawa da yawa, sun taho domin a yi musu baftisma, sai ya ce musu, “Ku macizai! Wa ya gargaɗe ku, ku guje wa fushin nan mai zuwa? 8Ku yi aikin da zai nuna tubarku. 9#Yah 8.33Kada kuwa ku ɗauka a ranku cewa, Ibrahim ne ubanku, domin ina gaya muku, Allah yana da ikon ya halitta wa Ibrahim 'ya'ya da duwatsun nan. 10#Mat 7.19 Koyanzu ma an ɗora bakin gatari a gindin bishiya. Saboda haka duk bishiyar da bata bada 'ya'ya masu kyau ba, sai a sare ta a jefa a wuta.

11“Ni dai, da ruwa nake muku baftisma, shaidar tubarku, amma mai zuwa bayana, ya fi ni girma, wanda ko takalmansa ma ban isa in riƙe ba. Shi ne zai yi muku baftisma da Ruhu Mai Tsarki, da kuma wuta. 12Ƙwaryar shiƙarsa na hannunsa, zai kuwa share masussukarsa sarai sarai, ya taro alkamarsa ya sa a rumbunsa, amma ɓuntun, sai ya ƙone a wutar marar kasuwa.”

An Yi wa Yesu Baftisma

(Mar 1.9-11; Luk 3.12-22)

13A lokacin nan ne Yesu ya zo daga ƙasar Galili, ya je Kogin Urdun wurin Yahaya, domin ya yi masa baftisma.

14Yahaya kuwa ya so ya hana shi, ya ce, “Ni da nake bukatar kai ka yi mini baftisma, ka zo gare ni?” 15Amma Yesu ya amsa masa ya ce, “Bari ya zama haka a yanzu, domin haka ne ya dace mu cika dukan adalci.” Sa'an nan Yahaya ya yardar masa. 16Da aka yi wa Yesu baftisma, nan da nan da ya fito daga ruwan, sai ga sama ta dāre, ya ga Ruhun Allah na saukowa kamar kurciya, har ya sauka kansa. 17#Far 22.2; Zab 2.7; Ish 42.1; Mat 12.18; 17.5; Mar 1.11; Luk 9.35 Sai aka ji wata murya daga Sama ta ce, “Wannan shi ne Ɗana ƙaunataccena, wanda nake farin ciki da shi ƙwarai.”

Currently Selected:

Mat 3: HAU

Highlight

Copy