SAME 148
148
Me Vakacaucautaka na Kalou o Vuravura
1Ni vakacaucautaki Jiova!
Ni vakacaucautaki Jiova mai lomalagi,
Oi kemuni o ni tiko ena yasana cecere sara!
2Ni vakacaucautaki koya na nona agilosi kecega,
Oi kemuni kece na nona mataivalu vakalomalagi.
3Drau vakacaucautaki koya na matanisiga kei na vula;
Ni vakacaucautaki koya na veikalokalo sa serau tu.
4Ni vakacaucautaki koya na veilomalagi cecere sara,
Kei na wai ena dela ni maliwa lala e cake.
5Me ra vakacaucautaka kece na yaca i Jiova!
E a vosa ga o koya ka ra sa buli sara,
6Ena nona vosa wale ga era sa dui vakatikori kina
Ena dui nodra i tutu ka sega ni mudu,
Ka ra sega ni rawa ni talaidredre.
7Ni vakacaucautaki Jiova mai vuravura,
Oi kemuni na manumanu lelevu ni wasawasa;
8Na bukawaqa, na uca cevata, na wai cevata kei na o,
Kei na cagi kaukauwa o ni muria na nona i vakaro!
9Ni vakacaucautaki koya, na veidelana kei na veiulunivanua,
Na kau vuata kei na veikau;
10Na manumanu kecega, o ira era manoa kei ira era kila,
Na manumanu era qasi voli kei ira na manumanu vuka!
11Ni vakacaucautaki koya, na tui eso kei na tamata taucoko,
Na luvenitui kei ira kece na dauveiliutaki;
12Na cauravou, na goneyalewa,
Kemuni na qase kei kemuni talega na gone.
13Me ra vakacaucautaka kecega na yaca i Jiova.
Sa cecere na yacana mai na ka kecega;
Kei na nona i serau sa sivita na vuravura kei na lomalagi.
14Sa vakaukauwataka na nona matanitu,
Me ra vakacaucautaki koya kece kina na nona tamata,
O ira na Isireli, era sa rui ka talei sara vua.
Ni vakacaucautaki Jiova!
Currently Selected:
SAME 148: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.