SAME 149
149
A Sere ni Vakacaucau
1Me vakacaucautaki ko Jiova!
Ni seretaka e dua na sere vou vei Jiova
Ni vakacaucautaki koya ena nodra soqoni na nona yalodina!
2Mo reki Isireli ena vuku i koya a buli iko.
Ni reki na lewe i Saioni ena vuku ni nomuni tui!
3Ni vakacaucautaka na yacana ni o ni meke;
Ni qiria na dramu kei na api ena vakacaucautaki koya.
4Sa marautaki ira na nona tamata na Kalou
Sa vakalagilagi ira era yalo malumalumu ena qaqa.
5Me ra marau na tamata ni Kalou ena nodra qaqa
Ka laga sere ena marau ena nodra solevu.
6Me ra kaila vakadomoilevu ni ra vakacaucautaka na Kalou
Ka me ra taura tu na nodra i seleiwau gata ena ligadra,
7Me ra vakadruka kina na veimatanitu
Ka totogitaki ira na tamata;
8Me ra vesuki ira na nodra tui ena sinucodo,
Kei na nodra i liuliu ena sinucodo kaukamea,
9Me ra totogitaki ira na veimatanitu me vaka sa vakarota na Kalou.
Sa i koya oqo na nodra qaqa na tamata ni Kalou!
Ni vakacaucautaki Jiova!
Currently Selected:
SAME 149: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.