IPERIU 4

Eda na Vakacegu Vata kei na Kalou

1Sa solia vei keda na Kalou ena gauna oqo na nona vosa ni yalayala ni sa rawa vei keda me da curu ki na nona vakacegu. O koya oqo me da sa qaqarauni vakavinaka sara kina, de lakolako ena qai sega ni vakaivotavota kina eso vei kemuni. 2Ni a yaco mai vei keda na i Tukutuku Vinaka, me vakataki ira talega, ia sa sega ga ni yaga vei ira baleta ni ra a sega ni ciqoma ena vakabauta na ka era rogoca. 3#Same 95.11Ia vei keda eda sa vakabauta, eda sa ciqoma na vakacegu sa vosa ni yalayala oti kina na Kalou. Io, me vaka ga na nona vosa:

“Ena dela ni noqu cudru ka'u sa yalataka kina oqo:

‘Era na sega sara ni curuma na vanua sa tiko kina na noqu vakacegu!’ ”

A sa tukuna vakaoqo ka dina ga ni a sa oti na nona cakacaka ena gauna sa bulia kina na vuravura. 4#Vteki 2.2Ni sa tukuni oti talega ena i Vola Tabu na tikina me baleta na i kavitu ni siga:

“A sa vakacegu mai na nona cakacaka kecega na Kalou ena i kavitu ni siga.”

5 # Same 95.11 A sa kaya talega ena tikina o ya o koya:

“Era na sega sara ni curu ki na noqu vakacegu.”

6O ira era a rogoca taumada na i Tukutuku Vinaka era sa sega ni vakaivotavota ena vakacegu o ya, baleta ni ra sa sega ni vakabauta ena vuku ni talaidredre. Ia eso tale sa qai soli vei ira me ra ciqoma. 7#Same 95.7,8 (LXX)Sa qai vakaraitaki oqo ni sa qai lokuca tale na Kalou e dua na siga ka vakatoka me “Edaidai”. A sa tukuna ena gusu i Tevita ena dua na gauna sara emuri na vosa sa kainaki oti:

“Edaidai, kevaka o ni sa rogoca na domona,

Ni kakua ni vakaukauwataka na yalomuni.”

8 # Vrua 31.7; Josua 22.4 Ia kevaka sa solia vei ira na tamata o Josua na vakacegu ni Kalou, ke a sega ni tukuna na Kalou e dua tale na siga emuri. 9Ia oqo, sa tikoga vei ira na tamata ni Kalou na vakacegu ka sa vaka na nona vakacegu na Kalou ena i kavitu ni siga. 10#Vteki 2.2Ni o koya yadua sa rawata na vakacegu o ya sa yalataka na Kalou ena vakacegu mai na nona cakacaka, me vaka na nona a vakacegu na Kalou mai na nona cakacaka. 11O koya oqo me da gumatua sara kina me da rawata na vakacegu o ya, me kakua kina ni dua e bale me vakataki ira ena vuku ni tawa vakabauta.

12Ni sa bula ka kaukauwa na vosa ni Kalou, ka sa gata cake mai na i seleiwau batirua. Sa suwaka rawa na vanua e rau sota kina na lomada kei na yaloda, na i sema ni yago kei na uto ni sui, ka sa dau vakalewa rawa na nanuma kei na i naki ni lomadra na tamata. 13Sa sega ni dua na ka me vunitaki rawa vua na Kalou; ia sa laurai ga e matana votu na veika buli kecega, ka sa tevuki vakavinaka sara e matana. Ni sai koya ga eda na vakatusa vua na veika me baleti keda.

Ko Jisu na Bete Levu

14O koya oqo, me da taura matua kina na vakabauta eda sa vakatusa, ni sa tiko ena keda maliwa e dua na Bete Levu ka sa curuma oti na i tikotiko lagilagi ni Kalou — ko Jisu, na Luve ni Kalou. 15Na noda Bete Levu oqo sa sega ni vaka e dua ka sega ni daulomani keda ena noda malumalumu; ia sa veretaki oti ena ka kece sara o koya me vakataki keda ga, ia sa sega ga na nona i valavala ca. 16O koya oqo, me da ia ka toro vakadoudou sara kina ki na nona i tikotiko vakaturaga ni lolomasavu na Kalou, me da ciqoma kina na nona yalololoma ka vota vakakina na i votavota ni lolomasavu eda dui gadreva me yaga vei keda.

Currently Selected:

IPERIU 4: FNV

Highlight

Copy