Popular Bible Verses from IPERIU 4

Share

Ni sa bula ka kaukauwa na vosa ni Kalou, ka sa gata cake mai na i seleiwau batirua. Sa suwaka rawa na vanua e rau sota kina na lomada kei na yaloda, na i sema ni yago kei na uto ni sui, ka sa dau vakalewa rawa na nanuma kei na i naki ni lomadra na tamata.

O koya oqo, me da ia ka toro vakadoudou sara kina ki na nona i tikotiko vakaturaga ni lolomasavu na Kalou, me da ciqoma kina na nona yalololoma ka vota vakakina na i votavota ni lolomasavu eda dui gadreva me yaga vei keda.

Na noda Bete Levu oqo sa sega ni vaka e dua ka sega ni daulomani keda ena noda malumalumu; ia sa veretaki oti ena ka kece sara o koya me vakataki keda ga, ia sa sega ga na nona i valavala ca.

Sa sega ni dua na ka me vunitaki rawa vua na Kalou; ia sa laurai ga e matana votu na veika buli kecega, ka sa tevuki vakavinaka sara e matana. Ni sai koya ga eda na vakatusa vua na veika me baleti keda.

O koya oqo, me da taura matua kina na vakabauta eda sa vakatusa, ni sa tiko ena keda maliwa e dua na Bete Levu ka sa curuma oti na i tikotiko lagilagi ni Kalou — ko Jisu, na Luve ni Kalou.

O koya oqo me da gumatua sara kina me da rawata na vakacegu o ya, me kakua kina ni dua e bale me vakataki ira ena vuku ni tawa vakabauta.