VAKATEKIVU 36
36
Na Kawa i Iso
(1Vei 1.34-37)
1Sai ira oqo na kawa i Iso, a sa vakatokai talega o Itomi. 2Sa vakawatitaka o Iso eso na yalewa ni Kenani: o Eta na luvei Eloni na Itaiti; o Aolipama na luvei Ena ka makubui Sipioni na yalewa ni Aivaiti;#Vteki 26.34 3kei Pasemaca na luvei Isimeli ka ganei Nepeioci.#Vteki 28.9 4E luvei Eta o Ilivasi; e luvei Pasemaca o Riueli; 5e ratou luvei Aolipama o Jiusi, kei Jalami, kei Kora. Sai ira o ya na luve i Iso tagane era a sucu ena vanua o Kenani.
6Sa qai kauti ira na watina o Iso, na luvena tagane, na luvena yalewa, na lewe ni nona vuvale, na nona bulumakau kece, na nona manumanu kece, kei na nona i yau kecega sa rawata mai Kenani ka lako tani yani mai vei Jekope na tacina ki na dua tale na vanua. 7A sa lako yani baleta ni sa sega ni rauti rau na vanua erau a tiko kina kei Jekope. A rui levu sara na nodrau manumanu ka sega ni rawa ni rau tiko ruarua e kea ni lailai na vanua. 8A sa mani la'ki tiko o Iso, se o Itomi, ena vanua veidelana mai Sia.
9Sai ira oqo na kawa i Iso, na tamadra na kai Itomi ena vanua veidelana mai Sia. 10Oqo na yacadra na luve i Iso tagane: o Ilivasi na luve i Iso vei Eta na watina kei Riueli na luve i Iso vei Pasemaca na watina. 11Sai ira oqo na luve i Ilivasi: o Temani, Omari, Sifo, Katami kei Kenasi. 12O Timani e dua vei ira na wati Ilivasi na luve i Iso; na luvena o Amaleki. Sai ira o ya na luve i Eta na wati Iso. 13Sai ira oqo na luve i Riueli tagane: o Neaca, Sira, Sama, kei Misa. Sai Riueli oqo na luve i Pasemaca na wati Iso.
14Sai ira oqo na luve i Iso vei Aolipama, na luvei Ena ka makubui Sipioni: o Jiusi, kei Jalami, vata kei Kora.
15Sai ira oqo na turaga vei ira na kawa i Iso. Oqo o ira na luve i Ilivasi na ulumatua i Iso: na tagane o Temani, Omari, Sifo, Kenasi, 16Kora, Katami kei Amaleki. Sai ira o ya na tagane era sa tubu mai vei Ilivasi mai na vanua o Itomi. Era sa kawa i Eta.
17Sai ira oqo na luve i Riueli na luve i Iso; na tagane o Neaca, Sira, Sama kei Misa. O ya o iratou na tagane e ratou sa tubu mai vei Riueli mai na vanua o Itomi. Era luve i Riueli na luve i Pasemaca na wati Iso.
18Oqo o ira na kawa i Aolipama na wati Iso: na tagane o Jiusi, Jalami kei Kora. O ya o iratou na tagane e ratou a tubu mai vua na wati Iso o Aolipama na luve i Ena. 19Sa ira o ya na kawa i Iso, se o Itomi, ka sai ira o ya era nodra tagane.
Na Kawa i Sia
(1Vei 1.38-42)
20Sai ira oqo na luve i Sia na luve i Ori, na i taukei ni vanua: o Lotani, o Sopali, o Sipioni, o Ena, 21o Tisoni, o Esa kei Tisari. Oqo o ira na tagane vei ira na luve i Ori na luve i Sia ena vanua o Itomi.
22Oi rau na luve i Lotani: o Ori kei Imani. (A sa dua na ganei Lotani, a yacana o Timina.)
23Oqo o iratou na luve i Sopali: o Alivani, o Maneaca, o Ipali, o Sifo, kei Onama.
24E rau sa lewe rua na luvena tagane o Sipioni, o Aia kei Ena. (Oqo o Ena ka a kunea na vure wai katakata ena vanua lala sa vakatawana tiko na asa nei Sipioni na tamana.) 25Oqo o ira na luve i Ena: o Tisani kei Aolipama na luve i Ena yalewa. 26Oqo o iratou na luve i Tisoni tagane: o Emitani, Esipani, Icirani kei Kirani.
27Oqo o iratou na luve i Esa: o Sevani kei Ekani. 28Oqo oi rau na luve i Tisani tagane: o Usu kei Erani.
29Sai ira oqo na turaga ni Ori: o Lotani, o Sopali, o Sipioni, o Ena, 30O Tisoni, o Esa kei Tisani. Era turaga ni Ori, me vaka na kedra i wasewase ena vanua o Sia.
O Ira na Tui Itomi
(1Vei 1.43-54)
31Oqo o ira na tui era a veiliutaki ena vanua o Itomi ni bera ni dua na tui e Isireli me veiliutaki e kea.
32O Bela na luve i Piori sa veiliutaki e Itomi: na yaca ni nona koro o Tinapa.
33Ia ni a mate o Bela, a sa kena i sosomi o Jopapa na luve i Sira mai Posira.
34Ni sa mate o Jopapa, a sa kena i sosomi o Usami mai na nodra vanua na luve i Tamani.
35Ni sa mate o Usami, a sa kena i sosomi o Etati, na luve i Pitati, o koya ka ravuti Mitiani ena vanua o Moapi, ka mani tui kina; ia na yaca ni nona koro o Evici.
36Ni sa mate o Etati, a sa sosomitaki koya me tui o Samila mai Masirika.
37Ni sa mate o Samila, a sa kena i sosomi o Saula mai Ripioci ena uciwai na Uferetisi.
38Ni sa mate o Saula, a sa kena i sosomi o Peali Anani na luve i Akipori.
39Ni sa mate o Peali Anani na luve i Akipori, a sa kena i sosomi o Etati. Na yaca ni nona koro o Pau, ka yaca i watina o Metapeli na luvena yalewa o Matereti, o koya na luve i Mesapi yalewa.
40Oqo na yacadra na i liuliu ni yavusa era sa tubu mai vei Iso me vaka na nodra dui mataqali kei na vanua era dui tiko kina. O ira na tagane o Timina, o Aliva, o Jiceci, 41o Aolipama, o Ela, o Pioni, 42o Kenasi, o Temani, o Misipa, 43o Makitieli, kei Airami. Sai ira o ya na qase ni yavusa mai Itomi (o ya o Iso, na tama i Itomi), me vaka na veivanua era dui tawana ena vanua era sa taukena.
Currently Selected:
VAKATEKIVU 36: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
