VAKATEKIVU 35

Sa Vakalougatataki Jekope na Kalou e Peceli

1A sa qai kaya na Kalou vei Jekope, “Mo lako i Peceli, ka la'ki tiko mai kina. Mo tara mai kea e dua na i cabocabonisoro vua na Kalou, o koya sa rairai vei iko ena nomu a dro tani mai vua na tuakamu o Iso.”#Vteki 28.11-17

2A sa tukutuku yani o Jekope vei ira na nona lewenivale kei ira kece sa tiko kaya, “Mo ni biuta laivi kece na veikalou tani e tu vei kemuni; mo ni vakasavasavataki kemuni ka daramaka na i sulu savasava. 3Eda sa na biuta na vanua oqo ka lako ki Peceli, ka me'u na tara mai kea e dua na i cabocabonisoro vua na Kalou, o koya ka vukei au ena gauna ni noqu rarawa, ka sa tiko ga kei au ena vanua kece sara au sa lakova.” 4Era sa qai solia vei Jekope na kalou tani kece sara sa tu vei ira, kei na sau mai na daligadra. Sa mani buluti ira ena ruku ni vuni oki volekati Sikemi.

5Ena gauna era sa lako yani kina, a sa qai yacovi ira na veikorokoro sa voliti ira na rere, ka ra mani sega kina ni vakasavi ira. 6A sa lako o Jekope kei ira kecega na nona tamata ki Lusa, ka sa kilai ena yaca o Peceli ena gauna oqo, ena vanua o Kenani. 7A sa tara kina e dua na i cabocabonisoro ka vakatoka me yaca ni vanua o ya na “Kalou i Peceli”,#35.7 Vakaiperiu (Hb) El Bethel baleta ni vanua o ya sa vakaraitaki koya kina na Kalou vua ena nona a dro tani kina mai vei tuakana. 8Sa qai mate e kea o Tepora na daumeimei i Repeka, ka mani bulu ena ruku ni vuni oki ena yasa i Peceli ki ra, ka sa vakatoka me yacana “Na Oki sa Dautagi”.#35.8 Vakaiperiu (Hb) Allon Bacuth

9Ni sa lesu mai Mesopotemia o Jekope, a sa rairai tale vua na Kalou ka vosa vakalougatataki koya. 10A sa kaya na Kalou “Na yacamu o Jekope, ia mai na gauna oqo ka lako yani, sa na yacamu o Isireli.”#Vteki 32.28 11Sa kaya vua na Kalou, “Oi au na Kalou Kaukauwa;#35.11 Vakaiperiu (Hb) El Shaddai mo vakaluveni ka tubu me lewe vuqa. O na yaco me dua na matanitu, ena tubu mai vei iko na veimatanitu, ka ra na tubu mai ena nomu kawa na tui eso.#Vteki 17.4-8 12Na vanua au sa solia vei Epara-ama kei Aisake au sa solia vei iko kei ira na nomu kawa era na muri mai.” 13Sa qai biuti koya na Kalou ena vanua sa vosa kina vua ka lako cake yani. 14Sa mai vakaduria yani o Jekope e dua na vatu ni vakananumi ena vanua o ya, ka livia e delana na waini kei na waiwai olive.#Vteki 28.18-19 15A vakatoka me yaca ni vanua o ya o Peceli.#35.15 Peceli kena i balebale vale ni Kalou.

Na Sucu nei Penijamini kei na Mate nei Raijeli

16Era sa biuti Peceli; ka sa yawa sara yani o Efiraca, sa yaco mai na gauna me taratara kina o Raijeli, ka dredre sara na nona vakasucu. 17Ia ni sa mosi vakalevu sara, sa qai kaya vua na nasi, “Kakua ni rere, sa dua tale na luvemu tagane.” 18Ia ni tekivu me solia na i otioti ni nona i cegu ni voleka ni mate, sa qai vakatoka me yaca ni luvena o Penioni,#35.18 Penioni: Na yaca oqo e kena i balebale “na luvequ tagane ena dela ni noqu rarawa” ena vosa vakaiperiu. ia sa vakatoka o tamana me yacana o Penijamini.#35.18 Penijamini: Na yaca oqo e kena i balebale “na luvequ tagane ka na kune kalougata” ena vosa vakaiperiu.

19A sa ciba o Raijeli ka bulu ena sala ki Efiraca, (o ya o Peceliema). 20Sa qai vakaduria o Jekope e dua na vatu ni vakananumi ena kena i bulubulu, ka se tu ga e kea me yacova na siga edaidai. 21A sa lako yani o Jekope ki na yasana kadua ni vale cere i cake mai Eteri, ka birika kina na nona valelaca.

O Ira na Luve i Jekope Tagane

(1Vei 2.1-2)

22Ia ni se tiko ga ena vanua o ya o Jekope, a sa lako o Rupeni ka moceri Pila, e dua vei ira na watina lailai o Jekope. Ni sa rogoca oqo o Jekope, sa ka levu sara na nona cudru.#35.22 E dua na i vakavakadewa makawa levu sara na nona cudru; E sega na veivosa oqo ena vakavakadewa vakaiperiu (Hb). #Vteki 49.4

E ratou sa lewe tinikarua na luve i Jekope tagane. 23O iratou na luvena tagane vei Lia: o Rupeni na nona ulumatua, kei Simione, kei Livai, kei Juta, kei Isakari, vata kei Sevuloni. 24O Josefa kei Penijamini erau luvena vei Raijeli. 25O Tani kei Navitalai erau luvena vei Pila na bobula i Raijeli. 26O Kata kei Aseri erau luvena vei Silipa na bobula i Lia. Sai iratou o ya na luve i Jekope tagane ka ra sucu mai Mesopotemia.

Na Mate nei Aisake

27Sa qai lako mai o Jekope vei tamana o Aisake ki Mamire, ka voleka i Kiriaci Arapa (o ya o Epironi), na vanua erau a tiko kina o Epara-ama kei Aisake.#Vteki 13.18 28A sa bula voli o Aisake me 180 na yabaki, 29a sa qai mate yani ka rau a buluti koya na luvena tagane o Iso kei Jekope.

Currently Selected:

VAKATEKIVU 35: FNV

Highlight

Copy