Vakatakila 19

Na Marau mai Lomalagi

1Ia ni sa oti oqo, au a qai rogoca e dua na rorogo sa vaka na vakere ni domodra e dua na i wiliwili ni tamata levu mai lomalagi, ka ra sa kaya: “Aleluya! Sa nona na noda Kalou na veivakabulai, na lagilagi, kei na kaukauwa! 2#Vrua 32.43; 2Tui 9.7Sa dina ga ka dodonu na nona lewa! Sa lewa o koya me cudruvi na yalewa dautagane ka dau vakadukadukalitaki vuravura ena nona i valavala ni dautagane. Sa totogitaki koya na Kalou ena vuku ni nona vakamatei ira na nona tamata.” 3#Aisea 34.10Era sa qai kacivaka tale, “Aleluya! Sa kuvu cake tikoga na kubou ni koro cecere o ya ka sega ni mudu!” 4Era sa qai cuva sobu na qase e lewe ruasagavulukava kei iratou na veika bula e va ka ra vakarokorokotaka na Kalou, o koya sa tiko ena i tikotiko vakaturaga. Era sa kaya: “Emeni! Aleluya!”

Na Kanavata ni Vakamau ni Lami

5 # Same 115.13 Sa qai rogo mai na i tikotiko vakaturaga e dua na domo ka kaya: “Ni vakacaucautaka na noda Kalou, oi kemuni kecega na nona dauveiqaravi kei na nona tamata sa rerevaki koya, se dou sa vakaitutu dokai se lolovira!” 6Au a qai rogoca na ka e vaka na domodra e dua na i wiliwili tamata levu, a sa vaka na vakere ni dua na savu, ka vaka na domo ni kurukuru levu ni sa kaya: “Aleluya! Sa noda Tui na Turaga na noda Kalou Kaukauwa Sara! 7Me da reki ka marau kina; me da vakacaucautaka na nona lagilagi! Ni sa qai yaco mai oqo na gauna me vakamau kina na Lami, ka sa vakavakarau kina na nona yalewa me vakawati kaya. 8A sa vakadonui vua na yalewa me vakawati me vakaisulu ena lineni matailalai sa sekavula ka savasava.” (Na lineni matailalai oqo sai koya na nodra i valavala dodonu na tamata yalosavasava ni Kalou.)

9 # Maciu 22.2,3 Sa qai kaya vei au na agilosi: “Vola na ka oqo: Sa kalougata o ira era sa sureti ki na kanavata ni vakamau ni Lami.” Sa kaya tale vei au: “Oqo kece na vosa dina ni Kalou.”

10Au sa qai bale sobu ki yavana ena vakarokoroko, ia sa qai kaya vei au o koya, “Kakua sara ni kitaka oqori! Oi au na nomu i tokani dauveiqaravi ka vakakina o ira na veiwekani sa vakabauta, o ira kece era sa taura dei tiko na dina sa vakatakila o Jisu. Mo vakarokorokotaka ga na Kalou!”

Ni sa veivakauqeti vei ira na parofita na dina ka sa mai vakatakila o Jisu.

O Koya sa Vodoka na Ose Vula

11 # Isi 1.1; Same 96.13; Aisea 11.4 Au a qai raica ni sa tadola na lomalagi, ka'u sa raica e dua na ose vulavula. Sa vakatokai o koya sa vodoka tiko me o Yalodina ka Dodonu; ni sa yavutaki ga ena dina kei na dodonu na nona dauvakataulewa kei na nona vala voli ena i valu. 12#Tani 10.6A sa vaka na yameyame ni buka na yaloka ni matana, ka sa vakaisala na uluna ena vuqa na i sala vakaturaga. Sa volai tu vua e dua na yaca, ka sa sega ni dua tale e kila, o koya duadua ga. 13Sa vakaisulu tu o koya ena dua na i sulu sa kureitaki kina na dra. Ia na yaca sa vakatokai vua, “Na Vosa ni Kalou.” 14Era sa muri koya ka vodo ose vula na mataivalu ni lomalagi, ka ra sa vakaisulu ena lineni matailalai sa vulavula ka savasava. 15#Same 2.9; Aisea 63.3; Joeli 3.13; Vtaki 14.20A sa basika mai na gusuna e dua na i seleiwau gata, ka me ravuta kina na veivanua. Ena lewai ira o koya ena i titoko kaukamea, ka na butuqaqia tani mai na waini mai na i qaqi-ni-waini ni cudru waqawaqa ni Kalou Kaukauwa. 16A sa volai tu ena nona i sulu balavu kei na sagana na yaca oqo: “Na Tui ni tui kecega kei na Turaga ni veituraga kecega”.

17 # Isi 39.17-20 Au a qai raica e dua na agilosi, sa tu cake tu mai na matanisiga ka sa kaci vei ira na manumanu vuka ni macawa ena domolevu ka kaya: “Ni lako mai ka vakasoqoni vata mai ki na i kanavata levu ni Kalou! 18Ni lako mai mo ni mai kania na lewedra na tui, na turaganivalu, na tamata qaqa, na lewedra na ose kei ira era sa vodoka, na lewedra na tamata kecega, na bobula kei na galala, na lolovira kei na cecere!”

19Au a qai raici koya na manumanu rerevaki ni sa soqoni ira na veimatanitu e vuravura kei na nodra dui mataivalu me ra valuti koya sa vodo tiko ena ose kei na nona i mataivalu. 20#Vtaki 13.1-18A sa tauri vakavesu na manumanu rerevaki vata kei koya na parofita vakailasu sa dau cakava na veika mana e mata i koya na manumanu rerevaki. (Sa i ira na veika veivakurabuitaki oqo era sa lawakitaki kina o ira sa tu vei ira na maka ni manumanu rerevaki kei ira sa dauqarava na kena i vakatakarakara.) E rau a qai viritaki bulabula ki na drano bukawaqa sa kama tu kina na sulifure oi rau na manumanu rerevaki kei na parofita vakailasu. 21Ia o ira na kena vo ni nodrau matasotia, era sa vakamatei ga ena i seleiwau sa basika mai na gusu i koya sa vodo tiko ena ose; ka ra sa kana ka mamau ena lewedra o ira na manumanu vuka kecega.

Currently Selected:

Vakatakila 19: FNVDC12

Highlight

Copy