Popular Bible Verses from Vakatakila 19

Share

Me da reki ka marau kina; me da vakacaucautaka na nona lagilagi! Ni sa qai yaco mai oqo na gauna me vakamau kina na Lami, ka sa vakavakarau kina na nona yalewa me vakawati kaya.

A sa volai tu ena nona i sulu balavu kei na sagana na yaca oqo: “Na Tui ni tui kecega kei na Turaga ni veituraga kecega”.

Au a qai raica ni sa tadola na lomalagi, ka'u sa raica e dua na ose vulavula. Sa vakatokai o koya sa vodoka tiko me o Yalodina ka Dodonu; ni sa yavutaki ga ena dina kei na dodonu na nona dauvakataulewa kei na nona vala voli ena i valu.

A sa vaka na yameyame ni buka na yaloka ni matana, ka sa vakaisala na uluna ena vuqa na i sala vakaturaga. Sa volai tu vua e dua na yaca, ka sa sega ni dua tale e kila, o koya duadua ga. Sa vakaisulu tu o koya ena dua na i sulu sa kureitaki kina na dra. Ia na yaca sa vakatokai vua, “Na Vosa ni Kalou.”

A sa basika mai na gusuna e dua na i seleiwau gata, ka me ravuta kina na veivanua. Ena lewai ira o koya ena i titoko kaukamea, ka na butuqaqia tani mai na waini mai na i qaqi-ni-waini ni cudru waqawaqa ni Kalou Kaukauwa.

A sa tauri vakavesu na manumanu rerevaki vata kei koya na parofita vakailasu sa dau cakava na veika mana e mata i koya na manumanu rerevaki. (Sa i ira na veika veivakurabuitaki oqo era sa lawakitaki kina o ira sa tu vei ira na maka ni manumanu rerevaki kei ira sa dauqarava na kena i vakatakarakara.) E rau a qai viritaki bulabula ki na drano bukawaqa sa kama tu kina na sulifure oi rau na manumanu rerevaki kei na parofita vakailasu.