Vakatakila 17

Na Yalewa Dautagane

1 # Jere 51.13 Sa qai lako mai vei au e dua vei iratou na agilosi e lewe vitu ka tiko vei iratou na bilo e vitu, ka kaya vei au, “Lako mai, ka'u na vakatakila vei iko na nona cudruvi na yalewa dautagane kilai levu, na koro levu o ya sa tara volekata toka na veiuciwai e vuqa. 2#Aisea 23.17; Jere 51.7O ira na tui kei vuravura era sa dau veidauci vata kaya, ka ra sa mateni ena waini ni nona dautagane o ira na kai vuravura.”

3 # Vtaki 13.1 Sa qai kauta na yaloqu na agilosi ki na vanua lala. Au a qai raica maikea e dua na yalewa sa vodoka tiko ena dua na manumanu rerevaki damudamu, a sa vitu na ulu ni manumanu rerevaki oqo, ka tini na kena i leu; a sa robota kece tu na yagona na veiyaca vakasisila sa vosavakacacataki kina na Kalou. 4#Jere 51.7A sa vakaisulu na yalewa oqo ena i sulu lokaloka kei na i sulu damudamu, ka sa vakaiukuuku ena koula, na veivatu talei, kei na mataniciva. A sa taura tu e ligana e dua na bilo koula sa sinai ena veika vakasisila ka duka ni nona dautagane. 5A sa volai tu e yadrena e dua na yaca vakaibalebale vakaoqo: “O Papiloni na koro cecere, na tinadra na yalewa dautagane kecega kei na veika vakasisila kei vuravura.” 6Au a qai raica ni sa mateni tu na yalewa oqo mai na nodra dra na yalododonu kei na nodra dra era sa vakamatei ena vuku ni nodra yalodina vei Jisu.

Ia ni'u sa raici koya na yalewa, au sa kurabui vakalevu sara. 7A sa kaya vei au na agilosi, “A cava na vuna o sa kurabui kina? Au na tukuna vei iko na i balebale vuni ni yalewa kei na manumanu rerevaki uluivitu ka tini na kena i leu sa vodoka voli. 8#Tani 7.7; Vtaki 11.7; Same 69.28Na manumanu rerevaki o raica a bula tu eliu, e a sa yali mada ka sa vakarau lako cake mai na qara sa sega na botona, ka na lako sara me la'ki vakarusai. Ia o ira sa tiko e vuravura, o ira sa sega ni volai tu na yacadra ena i Vola ni Bula mai na i vakatekivu kei vuravura, era na kurabui ni ra sa vakasarava na manumanu rerevaki. Ni a sa bula taumada tu eliu; sa qai sega tale ni bula tiko oqo, ia ena rairai tale mai.

9“Sa gadrevi ga eke na yalomatua kei na lomavuku. Na ulu e vitu sa dusia na ulunivanua e vitu sa dabe toka kina na yalewa o ya. 10Oqo talega o iratou na tui e vitu. E lima e ratou sa bale oti, a sa tiko voli ga e dua edaidai, kei na dua tale e se bera ni lako mai. Ia ni sa na lako mai, ena veiliutaki ga ena dua na gauna lekaleka. 11Ia me baleta na manumanu rerevaki ka a bula e liu ka sa qai sega tale, sai koya na i kawalu ni tui, ni sa dua ga vei iratou na lewe vitu o koya ka sa na lako yani me la'ki vakarusai.

12 # Tani 7.24 “Ia na i leu e tini o sa raica o ya e tini na tui ka sa sega ni soli vei ira na nodra kaukauwa vakatui ena gauna oqo, ia ena qai soli vei ira na kaukauwa me ra veiliutaki vakatui vata kei koya na manumanu rerevaki me dua na aua. 13Sa duabulu ga na kedra i naki na lewe tini oqo, ka ratou sa solia vua na manumanu rerevaki na nodratou kaukauwa kei na nodratou lewa. 14E ratou na veivala kei na Lami; ia na Lami kei ira sa tiko vata kaya, o ira era sa kacivi, ka sa digitaki, ka sa lomadina, era na vakadrukai ira baleta ni sai koya ga na nodra Turaga na turaga kei na nodra Tui na tui!”

15Sa qai kaya tale vei au na agilosi, “Na veiwai o a raica ni vakaitikotiko kina na yalewa dautagane o ya, sai ira o ya na veimatanitu, na veimatatamata, na duikaikai, kei na veimataqali vosa. 16Na tini na i leu o a raica, vata kei koya na manumanu rerevaki, era na cata na yalewa dautagane. Era na kauta laivi na veika kece sa tu vua ka laivi koya me tu luvawale. Era na kania na lewena ka vakamai koya ena bukawaqa. 17Ni sa biuta ki lomadra na Kalou na yalo ni gagadre me ra vakayacora kina na lomana ena nodra sa lomavata me ra solia vua na manumanu rerevaki na nodra kaukauwa me ia kina na veiliutaki me yacova ni sa vakayacori sara na vosa ni Kalou.

18“Ia na yalewa o a raica sai koya na koro levu sa lewai ira na tui kei vuravura.”

Currently Selected:

Vakatakila 17: FNVDC12

Highlight

Copy