Vakatakila 15
15
Na i Otioti ni Ka ni Veivakararawataki e Vitu
1Au a qai raica e dua tale na ka mai lomalagi ka sa rui dredre ni vakamacalataki, a sa cecere ga ka talei. Au a raica e vitu na agilosi sa taura tu e vitu na ka ni veivakararawataki, ka ra sai kena i otioti, baleta ni ra sai cavacava ni kena dusimaki na cudru ni Kalou.
2Au sa qai raica na ka e vaka na i rairai ni dua na wasa iloilo sa veiwaki kei na bukawaqa. Au a raici ira talega sa rawata na qaqa vua na manumanu rerevaki kei na kena i vakatakarakara kei koya sa dusimaki na yacana ena dua na naba. Era sa duri tu ena yasa ni wasa iloilo, ka ra dui taura tu e ligadra na api sa solia vei ira na Kalou 3#Lako 15.1ka ra sa lagata na sere i Mosese, na tamata ni Kalou, kei na sere ni Lami me vakaoqo:
“Oi kemuni na Turaga na Kalou Kaukauwa,
Sa cecere ga ka veivakurabuitaki na nomuni cakacaka!
Oi kemuni na Tui ni veitabagauna,
Sa dodonu ga ka dina na nomuni sala!
4 #
Jere 10.7;
Same 86.9
Turaga, o cei li me na sega ni rerevaki kemuni?
O cei li ena bese ni via vakalagilagia na yacamuni?
Ni sai kemuni ga sa yalosavasava.
Era na lako kece mai na veimatanitu
Ka ra na cuva e matamuni,
Ni ra sa raica kecega na tamata na nomuni cakacaka dodonu.”
5 #
Lako 38.21
Ni sa oti o ya, au sa qai raica na valenisoro mai lomalagi ni sa tadola, ka sa tiko kina na Valelaca Tabu. 6E ratou sa qai curu mai ki tautuba ni valenisoro o iratou na agilosi e lewe vitu ka sa tiko vei iratou na ka ni veivakararawataki e vitu, eratou sa vakaisulu ena i sulu lineni vulavula savasava, ka sa vakaioro na lomaseredratou ena i oro koula. 7Sa qai solia e dua vei iratou na veika bula e va vei iratou na lewe vitu na agilosi e vitu na bilo koula sa sinai tu ena cudru ni Kalou, o koya sa bula tikoga ka tawamudu. 8#Lako 40.34; 1Tui 8.10,11; 2Vei 5.13,14; Aisea 6.4A sa sinai na valenisoro ena kubou sa lako mai na lagilagi kei na kaukauwa ni Kalou, ka sa sega ni rawa vua e dua me curu rawa ki na valenisoro me yacova na gauna sa vakayacori oti mada kina na veika ni veivakararawataki e ratou sa kauta mai na agilosi e vitu.
Currently Selected:
Vakatakila 15: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
