Vakatakila 12

Na Yalewa kei na Drakoni

1A sa qai rairai mai lomalagi e dua na ka levu ka sa rui dredre sara ni vakamacalataki. Oqo e dua na yalewa, a sa vakaisulu tu ena matanisiga ka sa tiko ena ruku ni yavana na vula, ka sa daramaka e uluna na i sala kalokalo e tinikarua. 2Ia ni sa bukete tiko ka sa voleka sara ni vakasucu, a sa tagi ga vakadomoilevu ena vuku ni mosi kei na rarawa ni sa taratara me vakasucu.

3A sa rairai tale mai lomalagi e dua tale na ka sa dredre sara ni vakamacalataki. Oqo e dua na drakoni damudamu vakaitamera, e vitu na uluna ka tini na kena i leu, ka tokara toka ena uluna yadua na i sala vakaturaga e vitu. 4A sa vakayagataka na buina me yarataka kina mai lomalagi e dua na i katolu ni kalokalo ka kolotaki ira sobu ki vuravura. A sa duri tu vakadua na drakoni ena mata i koya na yalewa, me rawa kina vua me kania sara na luvena ni sa qai sucu mai. 5#Aisea 66.7; Same 2.9A sa qai vakasucuma na yalewa e dua na gonetagane, o koya me na liutaka na veimatanitu kecega ena i titoko kaukamea. Ia sa tauri tani vakaukauwa ga mai vei tinana na gone oqo ka sa kau vua na Kalou, ki na nona i tikotiko vakaturaga. 6Sa qai dro na yalewa ki na vanua dravuisiga, ki na tikina sa vakarautaka tu na Kalou me baleti koya, ka me na maroroi kina me 1,260 na siga.

7 # Tani 10.13,21; 12.1; Juta 9 A sa kacabote na i valu mai lomalagi. Sa ia na i valu o Maikeli kei ira na nona agilosi me ra valuta na drakoni, o koya sa vala lesu kei ira na nona agilosi; 8ia sa qai vakadrukai na drakoni, ka sa sega ni vakatarai vua kei ira na nona agilosi me ra tiko tale mai lomalagi. 9#Vteki 3.1; Luke 10.18A sa biu tani mai na drakoni vakaitamera — o koya na gata makawa, sa vakatokai na Tevoro, se o Setani, o koya sa dauvakaisina na vuravura taucoko. A sa viritaki sobu mai ki vuravura kei ira taucoko sara na nona agilosi.

10 # Jope 1.9-11; Saka 3.1 Au a qai rogoca e dua na domolevu mai lomalagi, sa kaya, “Sa qai yaco mai oqo na veivakabulai ni Kalou! Sa qai vakatakila oqo na Kalou na nona kaukauwa ni sa Tui o koya! Sa qai vakaraitaka oqo na nona Mesaia na kaukauwa sa tu vua! Ni sa qai viritaki tani mai lomalagi oqo o koya sa daubeitaki ira na wekada vakayalo ena veisiga kei na veibogi ena mata ni Kalou. 11O ira na wekada era sa vakadrukai koya ka ra sa rawata na qaqa ena vuku ni dra ni Lami kei na dina era sa kacivaka; ka ni ra sa loma rawarawa me ra solia na nodra bula, ka bole mate. 12Mo reki kina, o iko lomalagi, kei kemuni kece sara sa vakaitikotiko kina! Ia ena kalouca ga o vuravura kei na wasawasa! Ni sa lako sobu yani vei kemudrau na Tevoro, ka sa sinai sara ena cudru katakata, baleta ni sa kila o koya ni sa lekaleka sara na nona gauna.”

13Ia ni sa kila na drakoni ni sa viritaki sobu ki vuravura, a sa tekivu vakacemuria na yalewa ka a vakasucuma na gonetagane. 14#Tani 7.25; 12.7A sa qai soli vua na yalewa e rua na tabana vakaikeli lelevu me rawa kina ni vuka sara ki na nona i tikotiko ena vanua dravuisiga, ki na vanua me la'ki maroroi kina me rauta e tolu veimama na yabaki, ka me kakua ni ravuti koya kina na drakoni. 15A sa qai luaraka na wai mai na gusuna na drakoni me dave muria na yalewa, me vakacirimi koya ena waluvu. 16Ia sa qai veivuke o vuravura vei koya na yalewa, ni sa dalaga ka tiloma na wai sa luaraka mai na drakoni. 17A sa cudruva vakaukauwa na yalewa na drakoni, ka sa la'ki veivala kei ira na kena vo ni nona kawa na yalewa, o ira kece sa muria tiko na veivakaro ni Kalou ka yalodina tikoga ki na veika dina sa vakatakila o Jisu. 18A sa duri tu na drakoni ena vanua veinukunuku ni matasawa.

Currently Selected:

Vakatakila 12: FNVDC12

Highlight

Copy