Popular Bible Verses from Vakatakila 12

Share

O ira na wekada era sa vakadrukai koya ka ra sa rawata na qaqa ena vuku ni dra ni Lami kei na dina era sa kacivaka; ka ni ra sa loma rawarawa me ra solia na nodra bula, ka bole mate.

Au a qai rogoca e dua na domolevu mai lomalagi, sa kaya, “Sa qai yaco mai oqo na veivakabulai ni Kalou! Sa qai vakatakila oqo na Kalou na nona kaukauwa ni sa Tui o koya! Sa qai vakaraitaka oqo na nona Mesaia na kaukauwa sa tu vua! Ni sa qai viritaki tani mai lomalagi oqo o koya sa daubeitaki ira na wekada vakayalo ena veisiga kei na veibogi ena mata ni Kalou.

A sa biu tani mai na drakoni vakaitamera — o koya na gata makawa, sa vakatokai na Tevoro, se o Setani, o koya sa dauvakaisina na vuravura taucoko. A sa viritaki sobu mai ki vuravura kei ira taucoko sara na nona agilosi.

Mo reki kina, o iko lomalagi, kei kemuni kece sara sa vakaitikotiko kina! Ia ena kalouca ga o vuravura kei na wasawasa! Ni sa lako sobu yani vei kemudrau na Tevoro, ka sa sinai sara ena cudru katakata, baleta ni sa kila o koya ni sa lekaleka sara na nona gauna.”

A sa kacabote na i valu mai lomalagi. Sa ia na i valu o Maikeli kei ira na nona agilosi me ra valuta na drakoni, o koya sa vala lesu kei ira na nona agilosi

A sa cudruva vakaukauwa na yalewa na drakoni, ka sa la'ki veivala kei ira na kena vo ni nona kawa na yalewa, o ira kece sa muria tiko na veivakaro ni Kalou ka yalodina tikoga ki na veika dina sa vakatakila o Jisu.

A sa qai rairai mai lomalagi e dua na ka levu ka sa rui dredre sara ni vakamacalataki. Oqo e dua na yalewa, a sa vakaisulu tu ena matanisiga ka sa tiko ena ruku ni yavana na vula, ka sa daramaka e uluna na i sala kalokalo e tinikarua. Ia ni sa bukete tiko ka sa voleka sara ni vakasucu, a sa tagi ga vakadomoilevu ena vuku ni mosi kei na rarawa ni sa taratara me vakasucu.

A sa qai vakasucuma na yalewa e dua na gonetagane, o koya me na liutaka na veimatanitu kecega ena i titoko kaukamea. Ia sa tauri tani vakaukauwa ga mai vei tinana na gone oqo ka sa kau vua na Kalou, ki na nona i tikotiko vakaturaga. Sa qai dro na yalewa ki na vanua dravuisiga, ki na tikina sa vakarautaka tu na Kalou me baleti koya, ka me na maroroi kina me 1,260 na siga.

A sa rairai tale mai lomalagi e dua tale na ka sa dredre sara ni vakamacalataki. Oqo e dua na drakoni damudamu vakaitamera, e vitu na uluna ka tini na kena i leu, ka tokara toka ena uluna yadua na i sala vakaturaga e vitu. A sa vakayagataka na buina me yarataka kina mai lomalagi e dua na i katolu ni kalokalo ka kolotaki ira sobu ki vuravura. A sa duri tu vakadua na drakoni ena mata i koya na yalewa, me rawa kina vua me kania sara na luvena ni sa qai sucu mai.

A sa qai soli vua na yalewa e rua na tabana vakaikeli lelevu me rawa kina ni vuka sara ki na nona i tikotiko ena vanua dravuisiga, ki na vanua me la'ki maroroi kina me rauta e tolu veimama na yabaki, ka me kakua ni ravuti koya kina na drakoni. A sa qai luaraka na wai mai na gusuna na drakoni me dave muria na yalewa, me vakacirimi koya ena waluvu. Ia sa qai veivuke o vuravura vei koya na yalewa, ni sa dalaga ka tiloma na wai sa luaraka mai na drakoni.