Popular Bible Verses from Vakatakila 13

Share

Sa gadrevi ga eke na yalomatua. O koya sa kila-ka sa rawa vua me cakacakataka na i balebale ni naba ni manumanu rerevaki, baleta ni sa dusia ga na naba oqo e dua na yaca ni tamata. Na nona naba na 666.

Ia era na qaravi koya o ira kece sara era tiko e vuravura, ka vakavo ga o ira sa volai na yacadra ni se bera ni tauyavu na vuravura ena i Vola ni Bula ni Lami sa vakamatei.

A sa veivakasaurarataki na manumanu rerevaki vei ira na tamata kecega, vei ira na tamata wale kei ira sa cecere, vei ira na vutuniyau kei ira na dravudravua, vei ira sa sereki kei ira na bobula, ka me biu e dua na vakatakilakila ena ligadra i matau, se na yadredra. Ia sa sega ni rawa vua e dua me na volivoli, se volivolitaki kevaka sa sega vua na vakatakilakila oqo, o ya ga na yaca ni manumanu rerevaki, se na i wiliwili a sa dusia na yaca oqo.

O koya sa nakiti me vesu ena vesu ga; o koya sa nakiti me na vakamatei ena i seleiwau ena mate dina ga ena i seleiwau. Ena vuku ni ka oqo, sa vinakati ga kina na nodra vosota kei na nodra yalodina na tamata yalosavasava.”

Au a qai raica e dua na manumanu rerevaki sa lako cake mai wasawasa. A sa tini na kena i leu ka vitu na uluna; a sa toka e yadua na i sala vakaturaga ena kena i leu e tini, ka sa volai tu ena uluna kece e yadua na yaca sa vosavakacacataki kina na Kalou.

A sa vakatarai vua na manumanu rerevaki me valuti ira na tamata yalosavasava ka vakadrukai ira, ka sa soli vua me lewai ira na veiyavusa, kei na veimatatamata, na veimataqali vosa, kei na veimatanitu.

A veika oqo era sa vakacalai kina na tamata kecega e vuravura ena vuku ni veicakacaka mana eso sa vakatarai me kitaka ena mata i koya na i matai ni manumanu rerevaki. A sa kaya vei ira me ra bulia e dua na i vakatakarakara me vakananumi kina na manumanu rerevaki ka sa vakamavoataki ena i seleiwau, ia ka sa bula ga. A sa vakatarai vua na i karua ni manumanu rerevaki me solia na i cegu ni bula ki na i vakatakarakara ni matai ni manumanu rerevaki, me rawa ni na vosa rawa tale kina na i vakatakarakara ni manumanu rerevaki ka vakamatei ira era sa sega ni via cuva vua.

Na i rairai ni manumanu rerevaki oqo sa vaka na lepate, kei na yavana sa vaka na yava ni bea, kei na gusuna sa vaka na gusu ni laione. A sa solia na drakoni vua na manumanu rerevaki oqo na nona kaukauwa, kei na nona i tikotiko vakaturaga, kei na lewa raraba.

A sa soli tu na galala vua na manumanu rerevaki me cavuta eso na i tukutuku me baleti koya ka sa vakacacani kina na Kalou, ka sa soli talega vua me veiliutaki me vula vasagavulukarua.

E vaka me sa mavoa sara koto vakaca e dua vei ira na uluna na manumanu rerevaki oqo, ia sa qai mavo tale na tikina sa mavoa. Era sa kurabui na lewe i vuravura kecega ka ra sa vakamuria na manumanu rerevaki.

Ia ka'u a qai raica e dua tale na manumanu rerevaki ka sa lako cake mai vuravura. A sa rua na kena i leu ka sa vaka na i leu ni lami, ka sa vosa me vaka na drakoni. A sa tu vua na kaukauwa kecega nei koya na i matai ni manumanu rerevaki, ka sa vakasaurarataki vuravura kina kei ira sa tiko kina me ra cuva vua na i matai ni manumanu rerevaki, o koya ka sa mavo na nona mavoa.