Popular Bible Verses from Vakatakila 11

Share

A sa qai uvuca na i kavitu ni agilosi na nona davui, ka sa rogo levu mai lomalagi na veidomo eso, era sa kaya, “Na kaukauwa ni lewa me baleti vuravura sa qai yaco oqo me nona na noda Turaga kei na nona Karisito, ka na veiliutaki tikoga o koya ka sega ni mudu!”

Era sa cudru vakalevu na tamata sa sega ni kila na Kalou, Baleta ni sa yaco mai oqo na gauna ni nomuni cudru, Na gauna me ra sa veilewaitaki kina na mate. Sa kena gauna oqo me ra saumi kina na nomuni dauveiqaravi, na parofita, Kei ira na yalosavasava kecega, o ira kece sara sa rokova na yacamuni, Se ra tamata wale se ra cecere. Sa kena gauna oqo me ra vakarusai kina o ira sa vakarusai vuravura tiko!”

Au na vakatala yani e rua na noqu i vakadinadina sa vakaisulu ena sulu taga, ka me rau kacivaka na i tukutuku ni Kalou ena loma ni 1,260 na siga o ya.”

Ia ni sa oti e tolu veimama na siga, sa qai ceguvi rau na Kalou ena i cegu ni bula, ka rau sa tucake mai; ka ra sa rere kecega na tamata sa raici rau.

Sa tu vei rau na kaukauwa me rau sogoti lomalagi me kakua kina ni tau na uca ena gauna e rau sa kacivaka voli kina na i tukutuku ni Kalou. Sa tu talega vei rau na kaukauwa vei ira na veimataniwai, me rau vukica na wai me dra; sa tu talega vei rau na kaukauwa me rau samuti vuravura ena ka ni veivakararawataki kecega, ka me vaka ga na ka erau sa vinakata.

Oi rau na noqu i vakadinadina oqo sai rau na vuniolive e rua kei na i tutu-ni-cina e rua ka sa tu ena mata ni Turaga kei vuravura. Ni kevaka e dua sa vinakata me vakacacani rau, ena lako mai gusudrau na bukawaqa ka vakarusai ira na nodrau meca; ena vakamatei vakaoqo o koya sa via vakacacani rau.